ملحم بركات عن اللبنانيين: «ها الشعب مش شاطر غير يضب تيابو ويهرب»!

نفى الفنان ملحم بركات اجراءه عملية جراحية فاستنكر الاشاعات، وقال لمجلة الشبكة: «كلهن بيصاحبوا، بيفجروا، بينغرموا إلا أنا ممنوع أعمل شي» وتابع: «بدهن الصرفة ليخلصوا مني وخاصة هول اللي بيغنوا مصري.. هول اكتر ناس بيرتاحوا مني لاني فلتان عليهن»! لقد استفزته خبرية ان الموقع الذي نشر خبر مرضه يتحدى اي شخص ينفي الخبر انه سيذكر رقم الغرفة التي كان فيها، فقال: «خللوهن يطلبوني عالاوضة ويحكوا معي!» واضاف مستنكرا «كل الناس بتمرض.. بدها كل هالخضة والقال والقيل؟» حينها ذكرته انه قد يساء فهمه ويتهمونه بأنه ينفي حقيقة، فقال: «الشائعات متلاية البلد.. من مدة قالوا إني عملت حادث سيارة ومت. سكرت خطي وما رديت على حدا.. يحكوا.. مش احسن من إنو ما يحكوا؟ شو بدهن ياني إحلف يمين ويشاركوني إنو ما بني شي؟ من أسبوع كتبوا انو ابني عمل عملية قلب وهوي مش عامل..» اضاف: بدي ربيهن وما رد عليهن واتعاطى معن لانو لما كون قاعد ببيتي وبعمل شي حلو ما حدا بيحكي في.. يكتبوا اللي بدهن ياه.. مش فرقاني معي.. وديع الصافي بيفوت مية مرة عالمستشفى.. شو هالقصة؟ ممنوع روح خطط لقلبي؟ مين ما بيعملها بصحة السلامة؟ اذا الناس بدها تصدق الشائعات، ناطر هن يجوا ع دفني؟ ما حدا خالد بهالبلد» ومن وضعه الصحي الى الوضع الصحي للبلد، لم يترك ملحم نقدا قاسيا الا وساقه ضد المسؤولين الذين لم يتعلموا شيئا منذ عشرين سنة، ولم يتمكنوا من بناء دولة، والناس يعلنون إفلاسهم والشعب «مش شاطر غير إنو يضب تيابو ويهرب!» وتندر بحكمة فؤاد شهاب الذي قال: «لبنان شعبه سكان وليس مواطنين...» مضيفا: «اخت هالبلد والشعب!».