Note: English translation is not 100% accurate
يقولون
9 مايو 2015
المصدر : الأنباء
مطلق بن عبيانيقولون لو العبد يقدر على المعدوم
رسم خطة ماهيب فالكون مرسومه
وانا في مخاواة أهل المعرفه ملزوم
مثل المصلي يلزمه حجه وصومه
اراقب نجوم من وراها مدار نجوم
يتيه النداوي دونها ويتعبه حومه
وعلى طاري الشرهه وذكر العتب واللوم
أبا احط في قلوب المقادير معلومه
انا يضيق بالي يوم أشوف القروم خصوم
على شان دعوى بين الاثنين محسومه
ولا فالعباد احد من المعصيه معصوم
عسى الله يبيح ويستر العبد بهدومه
إلي ظاهر الطيب ليا جاء قوي عزوم
ليا صارت سلومي توافق مع سلومه
فلا ادرج الظلع ولا اقدي المنجوم
ولا ابيع مافي يديني من اول السومه
لو ان إنتفاضة مصر في داخل الفيوم
ماحاول مبارك فالتفاهم مع خصومه
لكن الرضاء والحمد لله على المقسوم
تزيد البنادم رفعه وترفع عزومه