Note: English translation is not 100% accurate
تم .. طال عمرك
الخميس
2009/12/31
المصدر : الأنباء
نجاح في عملية تلخيص الموضوع
حدث خطأ، الرجاء اعادة المحاولة
لا يوجد نتائج في عملية تلخيص الموضوع
بقلم : سعود الورع
-
يقولون.. منو انت
-
شنو انت
-
رديت وقلت
-
انا اهم واهم انا
-
أنا كلهم وكلهم أنا
-
أنا الهوا اللي نتنسمه
-
أنا الضوا اللي نتحسسه
-
أنا ليه بعدت تلقاني قريب بقلبه
-
التاريخ
-
العراقة
-
الماضي
-
الحاضر
-
الأصالة
-
الرجولة
-
الشِيخة
-
الهيبة
-
انا اهي واهي انا
-
يردون علي وبصوت عالي يقولون
-
يالحبيب من وين انت
-
اضحك ابتسم ولساني اهو اللي يتكلم
-
انا من المرقاب واهل شرق اهلي
-
انا من الفحيحيل ورجال الجهرا عزوتي
-
يا فلان منو انت شيعي ولا سني
-
انا السني والشيعي اهو فزعتي
-
يا فلان ابدوي ولا حضري
-
انا عنزي وقبايل الكويت هم نخوتي
-
علامك وين رايح شنو توجهك
-
اسلامي ولا ليبرالي
-
لا هذا ولا هذا اثنينهم توجهي
-
يا بشر تكلم وين رايح
-
من غير تفكير ومن غير ما أشاور واستأذن
-
ادعوم بروح البدع
-
واكسر يمين وعلى ويهي حد الدوسة بروح عنده
-
نعم بوقف عند بابه
-
وبصوت عالي بصرخ وقول
-
يا دار سلوى
-
اللي سكن فيج ساكن بقلبي وقلب اهلي
-
تم طال عمرك
-
تم طويل العمر
-
تم يا عين السيح
-
تم يا كبير هالبيت
-
تم يالعود
-
تم يا ذرى الكويت
-
تم تم تم تم
-
عقب كلمتك ما لنا كلمة
-
عقب رسالتك ما لنا رسالة
-
انت النوخذة
-
وانت المحمل والبحر
-
صغيرنا وكبيرنا نائبنا ووزيرنا كلهم اليوم
-
بصوت واحد يقولون كلامك على متمه
-
تم يا طويل العمر
اقرأ أيضاً