اعتبرت الفنانة كندة علوش أن مشاركتها في مسلسل «إخواتي»، الذي عرض في رمضان الماضي، من خلال شخصية «ناهد»، كانت مغامرة حقيقية من المخرج محمد شاكر خضير في اختيارها للدور، وقالت: «مش أي مخرج وهو بيقرأ الورق ممكن يختارني في الدور ده، لأنه مش شبه الأدوار اللي قدمتها قبل كده أو اتعرضت علي».
وتابعت علوش، خلال لقائها في برنامج «كلمة أخيرة» على قناة ON: «لما المخرج عرض علي شخصية (ناهد)، قلت له إيه الزاوية اللي شفتها في خلتك ترشحني للدور ده؟ قال لي أنا عارف إنك تقدري، وإن عندك حتة ممكن تطلعي منها ناهد، وصحيح هو ماكنش واثق 100%، لكن أعتبرها مغامرة خضناها سوا، وده خلاني أحس بمسؤولية كبيرة»، مضيفة: «طول الوقت وأنا بشتغل على الدور، كان جوايا صوت داخلي بيقول لي مش عايزة أخذل المخرج، ولا عايزاه يندم إنه اختارني»، مشيرة إلى أن هذا الدور كان تحديا وضعها فيه المخرج، وقالت: «كنت حابة أثبت لنفسي إني قد التحدي، خصوصا إني راجعة بعد فترة غياب عن الشاشة، وكنت حابة تبقى العودة بدور يترك أثر ويحقق صدى كويس».
يذكر أن مسلسل «إخواتي» شارك في بطولته كل من: نيللي كريم، روبي، كندة علوش، جيهان الشماشرجي، حاتم صلاح، نبيل عيسى، علي صبحي، إسلام حافظ، وغيرهم من الفنانين، ومن إخراج محمد شاكر خضير، تأليف مهاب طارق.