زياد الرحباني يستفتي جمهوره في أغنية قد تغنيها فيروز

قبل شهرين وفي أعقاب مرحلة تأليفية قال إنها شديدة الصعوبة، رافقت تطورات الربيع العربي واستحواذها على المتابعة اليومية، وضع الفنان زياد الرحباني أغنية «لاحق ترجع عاد دبي» نشرها اليوم في صحيفة «الأخبار» اللبنانية، التي يكتب فيها مقالاته، بهدف اختبار صداها لدى القراء، وإذا كانت تصلح لكي تغنيها السيدة فيروز. وأضاف زياد: «لهذه المناسبة، أعدت مطالعة جملة من الكتب المتعلقة بالثورة البولشفية، فضلا عن كتاب روجيــــه غارودي حول فكر هيغل، وكتاب إنغلز «أصل العائلة والملكية الخاصة والدولة»، وكتاب ألتوسير «المستقبل يدوم طويلا». وتقول كلمات الأغنية: فِكْرَهْاْ إمّي رِحتْ تْأسِّسْ إمّي ما فِهمِتْ لهلّق لي تَرَكْنا تا نِتْمركز بِدبيْ عليّ شوي وعلى الحيّ ميِّل عا أهلك شوي بعدن الولاد الحافيين والقسطل عم يرمي المي خود بتلفونك كم صورة ولاحق ترجع عا دبي ميِّل شوف العالم كيف بتحكي وَحْدَهْاْ عالرصيف وزلمة صرلو عشر سنين مقرّر يرجع عَلَى الريف ناصب فرشِةْ كَعْكُو تَحْتْ آخر شجرة بتعطي فَيّ وفيك تشوفو للمطار من عنّا والسوّاح الطايرين فوق منّا وكل ما يزيدوا الطيارات مْنِتمنّى .. لو إنّو وسط بيروت تارك شي للّي حواليه عليّ شوي وعلى الحيّ ميِّل عا أهلك شوي وكل جمعة في تلفزيون بيناصِرْنا فرن طرمبة قسطل لمبة بيِختصرنا وإذا نسينا نْسِبّ الدولة بيذكّرنا ودايماً ولد بيهجم رافع شارة نصر اعْرَفْلي لَيْ وبعدن الكلاب التايهين بْيِلْفوا أكتر من سوكلين وصعبة يلاقوا شي ياكلوه بْمطرح أهلو هفيانين وبدّك قول لأمّي تجوّز؟ إجتو بنت وصفّى بيّ ما في عنّا شحّادينْ لا سرقة وْلا نشّالينْ عالقَطْعَة بيضهر درّاج عالحمرا أو عا ساسين مننام بواب مفتوحة والله بيسهر الله حَيّ مننطر تجي الكهربا تَا نْطَفّيها أحلى ما تحرق الشقّة واللي فيها وقال صار في لمبة بالسوق أَبَدِيّة صوّرها لأنّو هايْ ما في منها بدبيْ إسم الخِضرة خضرة لَي لأنها خَضرا يا خيّ ميّل تعا حدّدلي لونها برَشْحْ ونشّ وقلّة رَيْ وأفضل نوعيّة بتروح هاي من عنّا عا دبي داير سَبَق الجمعيات ليساعدونا بيجوا بْيحصوا بْيِجِرْدونا وبيعِدّونا ولازم نِنْجَحْ درجة فقرهن أو ما دونها وناطرين تقريرهن يرجعْ من مركزهن بدبي بحبّك ما بتعرف قَدَّيْ ميِّل عا أهلك شوي بلدي وتعوّدت عْلَيْ لو بدّي هاجر هاجرت