ميس حمدان توضح حقيقة خضوعها لعمليات تجميل

نفت الفنانة الأردنية ميس حمدان إجراءها أي عمليات تجميل في وجهها، وقالت بطريقتها العفوية الساخرة عبر «فيسبوك»: «اعترف وبنفس الوقت استغراب، أنا مستغربة بصراحة ازاي انه 99% من الناس مش واخدة بالها ان انا بقالي اكتر من سنة مظبطة سناني، يشوفوني ويقولولي هو انتي يا بت فيكي ايه متغير؟ عمرهم مخدو بالهم ان أنا كان عندي ارنوب صغنن كده راح خلاص». وحول نفخ وجنتيها وضحت ميس: «ده غير أن أنا لظلظت وزايده 6 kg بالصلاتو علي النبي السنه دي، اما للي بيفتو اني عملت خدودي ومناخيري فهذا باطل ولم يحدث». من جانب آخر ردت ميس على المضايقات التي تأتيها من البعض، وكتبت رسالة: «أنا كنت وعده نفسي ان عمر ما حعمل بلوك لحد بس اكتشفت ان ده صعب جدااا، المهم اللي مش عاجبه ميس وطريقتها وشكلها وكلامها وحركتها ولغتها يتفضل يخرج من صفحتي من غير ما يدايق نفسه».