فهد الشمري
خلك جسور ولاتهاب المعالي
محد رقى وعزوم قلبه رديه
وبالك تنام وفكرك يبات خالي
مراقد ابن اللاش دايم دفيه
وخلك على ماقيل صدرك شمالي
طيب وسيع بطان والطيب نيه
ولا تشتكي للوقت وتقول حالي
ولا تشتكي وتقول تقصر يديه
ادنى طموحك بالسما نجم عالي
والنفس لا تعتاد منك الدنيه
وعينك على الاول لاتصير تالي
ياصاحبي والعز خلك سميه
والطيب ماينفعك مع كل شاوي
مثل قديم وصار مثل الوصيه
واعرف ترى الخوه نوماس غالي
وترا الخوي من صان ذمة خويه