بعد مفاجأة اتجاهها للعمل في مجال الموضة، كشفت النجمة مي عزالدين عن مفاجأة جديدة مخصصة للأطفال فقط، وهي إطلاق هاشتاغ «عالم أطفال مي عزالدين»، والمخصص لتلقي طلبات التصوير معها من الصغار فقط، على أن تقوم بنشر الصور عبر حسابها الخاص بـ «انستغرام»، وقالت: «أنا بحب الأطفال قوي ولسة ربنا مرزقنيش، والحمد لله من أول عمر الطفل الرضيع اللي أهله مسمينه على اسمي، لأنهم من جمهوري، لغاية الطفل اللي بيحب عمرو وسلمى، وشخصية نسمة التخينة، وغيره بحس إني قريبة من الأطفال ودي نعمة بحمد ربنا عليها، لأنها قليلة لما بتحصل لفنانة، علشان كدة، كل شهر راح أتصور مع طفل صورة مع مصور محترف، مش مجرد صورة موبايل لو اتقابلنا مصادفة وخلاص، لأ حاجة تعيش معاه ذكرى مني طول العمر».
وأوضحت مي أنها ستستقبل الطلبات والصور عبر حسابها الرسمي فقط، وقالت: «أول هدية مني ليكم في السنة الجديدة يا رب تعجبكم.. متنسوش الصور تحت هاشتاغ «#عالم_أطفال_مي_عزالدين»، ومنعا للتشتت تم إلغاء الهاشتاغ الإنجليزي، وبقي العربي فقط علشان الصور توصلي فعلا، هو ده المكان الوحيد اللي هيكون مخصص للصور».