أوروبية عراقية تعيد سيناريو المسافرة المصرية وتسيء للعاملين في مطار الكويت

الصراحه خلاص انا لازم اتكلم اشفيكم على الكويت وقسمن بالله ياناس وقسمن بالله احسن معامله نعيش فيها بالكويت معاملة المطار معاملة الوزارات بس بقول كلمه وبأختصار حفظ الله الكويت وشعبها من كل مكروه كل واحد قام يتكلم على الكويت روحو شوفو مطارات وجهات حكوميه ببلدنا وبلد يلي تتكلم على الكويت وشوفو الفرق لما تجي مطار الكويت على الاقل كل الاحترام وكل الترحيب والاخلاق من موظفين الداخلية والجمارك الله لا يغير علينا يارب واحفظ الله الكويت واميرها وشعبها من كل مكروه يارب

يعني تبون تقنعونا ان الناس كلها تچذب و ان موظفي المطار رائعين و ممتازين و قمة في الأدب و الأخلاق و ان العالم كله يكرهنا و ما يطقنا و يخترع و يألف علينا ؟!؟ يبا بدال ما ترفعون قضايا ع الخلق و انتو عارفين انها قضايا خرطي مالها اي لازمة و ما تقدرون تسوون اي شي ، ع الأقل سنعو موظفينكم !! ترى چدامكم دبي تتعلمون منها....

جدام عيني عسكري في المطار يخاطب وافد كبير بالعمر يمكن عمره ٨٠ بهي انت لا توقف اهني روح صوب غير المواطنين ويصرخ عليه بإحتقار الصراحة احنا مانتعامل بأدب مع الوافدين

لا ترمون الخطأ على الناس و تحاسبون هذا و ذاك بل حاسبوا موظفيكم بالمطار و المعروف عنهم انهم كازانوفا عصرهم و لا يوجد احد من يضاهيهم بالرقه و الجمال و الغنى فهذه الاسباب هي التي تجعلهم يتصرفون بدونيه مع الناس و خاصه بعض مع الجنسيات منها العربيه اما الاجانب و اقصد اصحاب الشعور الذهبيه و العيون الزرقاء فيكونون معهم يا دهينه لا تنكبين فخافوا الله و انظروا للناس نظره واحده فكلهم دفعوا نقود من جيوبهم لا منكم و لا اعتقد ان من يمر ترانزيت بمطار الكويت له طاقه او مزاج ان خلك حتى يحتك بموظفي المطار كما حدث للمسافره العراقيه و انا متأكد بأنها تم معاكستها من قبل كازانوفات المطار فخافوا الله .

بدال لا تقاضون ها العراقية سنعو موظفينكم في المطار و علمو عسكرينكم الأدب و الأسلوب الراقي !! ويوه كالحة مالحة زرقاء من التدخين و اسنان صفراء و ريحة خايسة !! و فوق هذا كله اسلوب (.......) !! بدال لا تخسرون فلوس ع القضايا قطوها على دورات تدريبية في تسنيع موظفينكم ابرك افيد لكم و لنا

اقسم بالله العظيم ... سالت العسكرى عن البوابة واعطيه البوردنج ..كان رده روح انقلع هناك .. هو توقع انى مش فاهم كلامه .. قلت له طيب ليه تقولى انقلع .. كان رده مو عاجبك يلا يلا ... حسبى الله ونعم الوكيل فيه ولن اسامحه على غلطه وخصيمه يوم القيامة ... هو شرطى .. متين و وزنه ثقيل مثل افعاله.

للأسف الخليج غير قابل للنقد لايحب إلا المدح ولايوجد بلد كامل

عراقية ومصرية لعد السبب مو من عراقية ولا مصرية يجوز العاملين بمطار الكويت يحتاجون دورة تعليمية في هولندا حتى يتعلمون شلون يتصرفون مع المسافرين انا موظف في مطار أمستردام تعال وشوف تعامل من اصغر موظف الى اعلى مرتبة وظيفية في المطار مع المسافرين من كل الجنسيات ومنها الكويتية والسعودية والاماراتية وكل من كل أنحاء العالم وبصراحة معاملة راقية بل ارقى من راقية فعلا أسلوب وتعامل وشخصية وبكل ثقة واحترام الله هاي نعمة علينا ربي . والله عايشين ملوك والحمد لله رب العالمين

مطار الكويت واجه للدولة. ياليت الحكومة تاخذ بعين الاعتبار بعض الانتقادات .. ويعملون دورة تدريبية للموظفين ... كثير مسافرين يشكون من المعاملة وهذا لا يليق بالكويت.

عفوا الل فوق المعترضين وشادين حيلهم بسب المطار انتو شفتو اول مطارات الل مشتكيات انا عن نفسي سافرت لبلدان وشفت منهم الويل وسواد الليل بمطاراتهم ومعاملتهم الزفت وتعمدهم انهم يبوقون المسافر ويدفعونة مبالغ لتذاكر وعلى فكرة دول سياحية غير الل تفلت على رجال المطار هذي اساسا عندها ادب من الاساس والا الثانية عارفين ليش معصبة عشان سالفة الفرع والاصل مالتهم الل ماراح نخلص منها لو يطلعون من جلدهم مو بس يغيرون جناسيهم لكن احنا كدولة محترمة وشعبها محترم لازم نسمع هالحجي اتمنى تروحون بس لمطاراتهم دقايق ماراح تتحملون تفتيشهم مو بس مو ادمي الا مافي ريحة الادمية والله ان مافي معاملة مثل معاملة عيالنا بمطار الكويت انتو شتبون بالضبط تبون اسيبها لهم مو كافي ان المسافرين من هالدول وغيرها يدخلون معبين بلاوي ومصايب تدخل ديرتنا