نائب أمير دولة قطر يصدر قراراً بزيادة رواتب الموظفين والمتقاعدين القطريين

بارك الله فيكم ،زيادة على المعاش الاساسي والعلاوة الاجتماعية هذا هو العدل والمساواة بين افراد الشعب ، احسن من كوادر وزيادات حق ناس وناس ! ناس معاشاتها بالآلاف وناس مساكين عمرهم ما حاشتهم زيادة. والسبب نواب الامة الأفاضل ياليت ما صوتنا لكم .

عليكم بالعافية تستاهلون كل خير .

احنا صرنا احسن منكم يالكويتيين لأن انتو عطوكم الف دينار مرة وحدة بس ، لكن احنا راح يعطونا ما يعادل الف دينار كويتي كل شهر. وهاردلك لكم يا كويتيين !!!

هذا هو الصح بعينة. زيادة المعاشات يجب ان تكون على الراتب الاساسى حتى تسود العدالة الاجتماعية لكافت الموظفين

غالي يابومشعل وعلى الراس من فوق وعسى عمرك طويل وجعل كل ايامك عز انت وولي عهدك الشبخ تميم فديت قطر وهلها

والله يستاهلون أخواناالقطريين وعليهم بالعافيه, أحنا مجلس أمه ومشاكل وحالتنا حاله وبدال مانرتاح زادوا ناس وخلوا ناس ناس رواتبها أرتفعت عنان السماء من الكويتيين ( عليكم بألف عافيه )وناس ماخذت الآ الفتات وناس صفر على الشمال وتفرقه بكل شى.. هذى عدالة حكام قطر والله يديمهم لأهلنا بقطر.

بإمكانكم ان تستلمو مليون ولكل مواطن وكل شهر لكن مانملكة من كلمة حرة تساوي الملايين وكل اموال العالم ... شيوخنا لم يقصرو معنا يوما ولسنا حديثين نعمة بل كنا ولا زلنا نبراسا ومثلا للكثيرين حتى اصبحنا مكان غيرة للبعض ممن يعانون من النقص ويحاولون الإنتقاص والإنتقام منا بقنوات مأجورة وتصرفات طفولية ... شامخة ياكويت في كل شيئ !

مايجوز يالشيخ تكلم اخوانا الكويتيين بهذا الشكل .. شنو احنا احسن ؟ هذا نوع من التكبر.. مافي حد أحسن من حد .. وانا ماعتقد انك قطري .. لأن القطريين ماعندهم هالاسلوب . اذا بتتكلم بإسم قطر قول شي عدل وتكلم مثل الكبار .