رأى الكاتب والسيناريست وحيد حامد ان حزب الحرية والعدالة غير قانوني وشرعيته منتهية، لأنه مخالف للدستور، قائلا: ان حزب الحرية والعدالة فاجأني لأمرين لأن المرحوم حسن البنا كان يرفض الاحزاب والغريب هو خروج الاخوان الجدد عن تعاليم المرشد الاول بعد ان كانت مقدسة، خاصة ان الجماعة مازالت تطبق مخططات البنا.
وتابع حامد خلال تصريحاته لعمرو الليثي في برنامج الميدان على قناة التحرير أمس الاول: الأمر الثاني ان الدستور الحالي يمنع الاحزاب الدينية وكل مؤسسي الحزب من المنتسبين للجماعة، وبعدين مفيش حاجة اسمها مرجعية اسلامية، ومطلوب من لجنة الاحزاب تفهمنا وافقت عليه ازاي؟
وقال مؤلف مسلسل الجماعة: الاخوان المسلمين كسبوا في العهد السابق أكبر الغنائم بدور المظلوم، وهم الآن ليس أمامهم أي عائق لينطلقوا في مصر وينشروا دعوتهم بما فيها من أكاذيب وأضاليل، وخلاص خلصت فزاعة الاخوان واحنا مستنيين منهم الكذبة الجديدة!
وصعد حامد من حدة هجومه على الاخوان قائلا: «الاخوان دول أنا مبحترمهمش ومبثقش فيهم دول بتوع ألاعيب، زي ألاعيب شيحة»! وأضاف: «الثورة أظهرت أنبل ما في الشعب المصري وأخبث وأقذر ما في الشعب»! هكذا علق وحيد حامد على رؤيته للثورة ونتائجها حتى الآن، وتابع: «احنا مش ثورة عظيمة احنا مش الثورة الفرنسية، احنا عندنا 800 قتيل الشهداء فيهم أقل من كده لأن منهم مساجين هربانين، إنما ثورة سلمية غيرت مفاهيم سياسية»!!