بالفيديو..مرتضى منصور يطالب باستقطاع 30% من رواتب المصريين العاملين بالخليج لصالح مصر

احنا كمصريين في الخارج ما عندناش مشكلة اننا نبيع دمنا علشان خاطر مصر ولكن في المقابل قبل ما حضرتك تفكر تاخد من رواتب المصريين في الخارج من الواجب تاخد الضرايب من رجال الاعمال وكمان طبق قانون الضريبة التصاعدية على القادرين ورجال الاعمال وساعتها مش هتحتاج تاخد من رواتب المغتربين اللي سابو بلدهم وعائلاتهم علشان يوفرو ليهم دخل يعيشو بيه .. قبل ما تطالب حضرتك من المغترب انه يتخصم ٣٠٪‏ من مرتبه افرض ضريبة تصاعدية على حسب الدخل وخد الفلوس اللي في الصناديق الخاصة اللي بالمليارات ولو ما كفوش الازمة اللي مصر بتمر بيها صدقني انا اول واحد هيحول نص مرتبه لصالح خزينة الدولة .. اقم العدل يا سيدي في بلاد غاب عنها العدل منذ سنين ولم يعد يعرف لها طريقا .. بلد بحجم مصر لا تحتاج الى صدقات ولكنها تحتاج الى العدل والقوة في مواجهة الفساد والرشاوى والمحسوبية حتى اصبحت وكأنها عذبة مستباحة لفئة بعينها !!!

كل عام ياتي الى مصر من ابناء المغتربين حوالي 20الف طالب كل املهم مكان بجامعات مصر الحكوميه ويكون الناتج دخولهم جامعات خاصة على اقل تقدير 40الف جنيه سنويا لكل طالب وهذه المبالغ تذهب الى اصحاب الجامعات الخاصة واسمح لي ان اسميهم مافيا الجامعات الخاصة كل المطلوب هو عمل معادلة لشهادة ابنائنا الطلاب وادخالهم في التنسيق العام ليأخذ كل واحد منهم فرصته مثله مثل اي مصري وفي المقابل يدفع المصري الذي يدخل اي جامعة حكوميه مبلغ 2000دولار عن كل سنه وبهذا تكون حسبيتنا 20الف في 2000دولار سنويا وتتضاعف كل عام  هذا سوف يحل اكثر من مشكله اولا دخل ثابت من الدولار سنويا  ثانيا بناء مدارس وجامعات وتطوير العمليه التعليميه  ثالثا زيادة شعور المغتربين بالرضا والانتماء  رابعا حل مشكلة الدولار وزيادة الميزانيه بدخل متضاعف  السنه الاولى 40مليون دولار والثانيه 80 مليون والثالثة 120 مليون وهكذا  من ام طالبة مصريه مغتربه

استقطع بس ربع مرتبات لاعيبتك واحنا ندفع

يا ريت كل واحد ياخد باله من الي بيقوله قبل ما يطّلع منه انت تعرف ايه عن المغتربين في الدول العربيه بتقول ٣٠٪‏ ميعرفش ان لو فضل ٥٪‏ من مرتب المغترب لآخر الشهر يبقي بيبوس أيده وش وضهر وان المغترب ليدفع اكتر من ٤٠ ٪‏ من راتبه ايجار غير مصروفات بيته وعياله ومدارس والتزامات عليه لأنك مجربتش يعني ايه مغترب مش هتفهم اي حاجه عنه علي اي أساس قولت ٣٠٪‏ وانت دفعت ايه لمصر استقطعوا منك ايه قبل ما تتكلم عرفنا انت عملت ايه لمصر يا سيادة المستشار

شوف الحراميه اللي في البلد الاول

انتا عايز تاخد 30 [percent] فين المبادرة منك انتا شخصيا ولما تعمم علي كل المغتربين في ناس مش لاقيه تأكل ومكتفيه فقط بالعيشه الأفضل . قبل ما تاخد قرار وتسم بدا آلاف المغتربين علي الصبح شوية تفكير ودراسة وبعدين اطلع غني زي منتا عايز. والله والله ذهبت عقول البشر وظلت تتنفس أسوء القول حسبي الله ونعم الوكيل فيكم وفكل شخص مصمم يظلم الناس والبلاد دي

لما انت وغير عاوزين ضرائب من المغتربين مسالتوش نفسكم هما مغتربين ليه علشان حضراتكم وحكومتكم والرئاسة فاشلين انكم توفروا لهم شغل فاشلين توفروا لهم معيشه كريمه علشان أقدم برلمان مش عارف يتحرك خطوة صح مش قادر يطرح مشاريع تنتج علشان حضراتكم مش بتدفعوا ضرائب فبالتالي مفيش دخل راجع للدوله تنتج منه مع ان المواطنين الغلابه بيدفعوا ضرائب علشان حضراتكم كل اليهمكم مصالحكم وبس ولو علي حساب غيركم عادي علشان اتعلمنا وحصلنا علي شهادات عليا بس مش لاقيين تقدير من البلد علشان حضراتكم بتتكلموا أكتر ما بتشتغلوا علشان كده وأكتر احنا سبنا البلد فياريت تسيبونا في حالنا او نرجع وده حلمنا بس يا ريت توفرولنا شغل واحنا نشتغل

قبل ما تبص على غيرك انت عملت لبلدك ايه مقدمى البرامج اللى بتستضيفكم رجال الاعمال الرتب الكبيرة اللى بتستمتع بمزايا خرافية الفنانين والفنانات اللى اجورهم بالملايين الناس اللى بتدفع عندك فى النادى اشتراكات بالربع مليون فى السنة احنا بنتبهدل ونتغرب ونبعد عنكم وبرضه مش عاجب لنا الله

الاستاذ الفاضل اللي بتكلم عن استقطاع شيء من راتب أي مغترب حنقول مثال واحد بس أنا عن نفسي راتبي 340 دينار الاحتياج بقا ياسيدي الفاضل سكن 180 دينار على فكرة هذا اقل سكن و121 قسط بنك وهذا القسط علشان أقوم في أعداد السكن المجموع 121 + 180 يفضل من المرتب 39 دينار يامحترم اولادي 2 يدخلو مدارس ازاي ويركبو مواصلات إزاي وياكلو ويشربو ازاي وأروح الشغل إزاي علشان أجيب لهم ال 340 دينار انتو فعلا أعمياء عن الحيتان اللي واكله البلد حرام عليكم المغترب طافح الدم وانتم مش حاسين بأي حاجة المفروض فوق مترتبي أحتاج مش أقل من 350 دينار فوق المرتب طبعا لسه الاقامة والتأمين الصحي وخلاف مراجعة المستوصف أو المستشفى وخلاص كراسة كتاب قلم بلبس للأولاد حرام حرام حرام انتو مش حاسين بأي حد وعلاوة على ذلك المغترب موفر للبلد كتير قوي كفاية مش عايشين في الهم والغم وانتو عايشين في سعادة وفرح

فيه فى البلاد العربية اللى المحتر بيذكر اسمها عايش فيها أسر الأب والأم شغلين يادوب أحوالهم مشيى بس المهم مستورين ولو نزلم فى بلدهم الله أعلم هيعيشو منين. وفيه عمال صافي مرتباتهم يادوب لعائلاتهم فى مصر والأمور مشيه بالعافية . وفيه حجات كتييييير ممكن تفكر فيها أنك تعمل لهم خدمة تميزهم على أساس أنهم بيحولم دولار اكتر يكون فيه مثلا حجز فنادق فى مصر بخصم أو مجانا أعمل أى شيء يحبب الناس في المقترح مش تصدم الناس ولا فيه موافقة على السيارات للمغتربين ولا خدمات ولا أى شئ فيه أمل في الغد والله الناس هتقول بلادنا أولا بيني وشغل الناس دى ووفر كهرباء ومدارس حكومة عشان مش هيكون فيه مصريف للخاصة بالله عليكم كفاية أنت وزملائك في المجلس المفروض تساعدون الناس.