بشار جاسم
طرح الفنان المميز جاسم محمد أغنيته الجديدة «مشتاق لك وحشتني»، وهي من كلمات مشاري إبراهيم وألحان عبدالله عباس وتوزيع بدر كرم ومكس ماستر منتظر ومن إنتاج محمد باديب «me_production»، وتقول كلماتها: «مشتاق لك.. وحشتني.. فقدتك.. وولهان.. كل هالحكي والله ما يوصف لك الاشواق.. شوف بعيونك حالتي.. شوف شكثر تعبان.. دنياي من فارقتها.. صارت ولا تنطاق.. رحت ومعك راح الفرح واتجمعت الاحزان.. ما فيه احد بعدك يحس والكون فيني ضاق.. أحيانا أبكي من الوله وابكي عليك احيان.. اشكي البحر واكتب شعر لين خلصت الاوراق.. صرت اتمنى انك معي خاين ولا غلطان.. او قبلها بينت لي انك تبي الفراق.. على الأقل القى لي مساعد على النسيان.. أفارقك كاره ولا أفارقك مشتاق»
جو مختلف
وعن الأغنية يقول جاسم بتصريح لـ «الأنباء»: «اخترنا جوا مختلفا تماما عما هو موجود بالسوق، جو كويتي بين القديم والجديد، وطرحناها حاليا بموسم الشتاء لأنه افضل وقت لها خصوصا أنها تعطي طابعا شتويا، والأغنية إيقاعها نادر في هذا الوقت وقريبة جدا من روح وإيقاعات الفن السامري والعاشوري» ويضيف: «هالأغنية موجودة عندي من 4 سنوات تقريبا وطلعت في هالوقت لأني حسيت فيها انا وقروب الاغنية».