كشفت الفنانة منة فضالي تفاصيل اقتحام شخص مجهول لمنزلها، موضحة أنها كانت تعيش في حالة رعب بسبب مطاردته لها بشكل مستمر، وقالت: «أنا كنت قاعدة في البيت عادي لقيت الباب بيخبط، فالبنوتة اللي عندي فتحت لقيت واحد بيتهجم عليها وبيقولها خليها تيجي تكلمني وقالها أنا عايزها وإنه شغال عند المنتج محمد حسن رمزي»، مشيرة إلى أنها في هذه اللحظة اكتشفت كذبه، لأن المنتج محمد حسن رمزي توفي منذ زمن.
وأضافت منة في تصريحات تلفزيونية: «ساعتها أنا قلت للبنت طلعيه برة الشقة، وقفلنا الباب في وشه، فضل قاعد وطلبنا البواب عشان يمشيه، وبعدها بقى يقف وراء الأبواب ويستخبى عند الشجر، وفي مرة كنت راجعة 3 الفجر لقيته طالع لي عند العربية وحضني، وقالي أنا بحبك وعايزك تقفي جنبي».
واختتمت فضالي حديثها، قائلة: «ولما سافرت الكويت راح عند ماما في البيت وخدلها ورد وقالها عارف إن أستاذة منة مسافرة وأنا عايز أطمن عليكي، وساعتها كلمت البوليس وقلبت الدنيا».