انتقد شقيق ياسمين عبدالعزيز علاقتها بالفنان أحمد العوضي، وذلك في منشور له عبر «فيسبوك»، ليعيد إلى الأذهان الكثير من الأقاويل التي انتشرت حول ارتباط ياسمين بالعوضي الذي شاركها في «الملكة».
وظهور العوضي مع ياسمين في عيد ميلادها، والتقاط معظم صور الحفل معا، ثبتت الشائعة، ليأتي شقيق ياسمين ويؤكد ارتباطهما بالبوست الذي نشره بـ «فيسبوك»، بسبب علاقتهما، قائلا: «بصي يا ياسمين يا عبدالعزيز يا أختي، أنا معاكي وفي ضهرك من وانتي صغيرة، شيلت مشاكل كتير بسببك، من وانتي عيلة صغيرة».
واستكمل: «لكن هتروحي تعرفي واحد أصغر منك بـ 10 سنين، وتتصوري صور مالهاش أي لزمة على حساب سمعتك وسمعتنا، لا ومحدش هيسمح، من إمتى وإحنا بنعمل أعياد ميلاد، وتنزل على السوشيال ميديا؟ من إمتى الناس بتجيب في سيرتنا؟ ونقعد نتعاكس على السوشيال ميديا، ومع ذلك حياتك وانتي حرة فيها».
وعلقت ياسمين عبدالعزيز، قائلة: «يا أحمديكو»، قبل أن يعلق كريم: «طبعا أنا مبسوط إننا بنعمل مسلسل مع بعض جدا، بس الفكرة بقى هو إنتي فاكرة كل ده إن أحمد أخويا اللي بيمثل معاكي كل ده ولا إيه؟، ولا انتي بتفكري في إيه؟، فهميني دماغك فيها إيه.. أحمديكو مين؟». ليرد أحمد العوضي ويقول: «هي الفترة دي شايفة كل الناس أحمد».
ورد العوضي عليه بـ «فيسبوك»، قائلا: «انهي بيت اللي أدخله من بابه، ان كانت هي اللي بتصرف عليه وعلى ابنك اللي مخبيه وراميه وهي بتدفعله مصاريف مدرسته، يا ابني انا من عين شمس منطقة شعبية اتربيت على ان الأخت والأم والست الكلام عليهم من الكبائر، عربية ايه يا ابني انا أجري الحمد لله يعيشني كويس ويجيبلي عربية حلوة وبيت كويس، بمجهودي وشغلي مش على عرق واحدة ست، باب ايه يا حبيبي اللي ادخله وانت أصلا عايش باسمها، أنا شقيت على حالي بعرقي، لكن انت فشلت في كل شيء فشلت كممثل وفشلت كأب وفشلت كأخ وفشلت كبني آدم».