أضواء

أضواءمقدمة برامج بعد ما راحت الأضواء عنها هالأيام مقدمة فكرة برنامج فني اجتماعي لقناة خليجية لعل وعسى يوافقون عليه مسؤولينها وترجع الأضواء عليها مثل أول وأكثر بس مسؤولين هالقناة للحين ما عطوها الموافقة.. اذا فات الفوت ما ينفع الصوت! إعتذار ممثلة زارت صديقتها الممثلة العربية المقيمة بالخليج علشان تعتذر منها على الهجوم اللي شنته عليها في مواقع التواصل بس الممثلة العربية صدتها ورفضت تصالحها إلا بشرط ان تنشر اعتذارها بالصحف.. بصراحة مو كفو! ظلم منتج خليجي هالأيام قاعد يتحلطم من الممثلين المشاركين في مسرحيته الأخيرة «ظلموه» اللي يقولون عنه انه بخيل لأن مو راضي يدفع لهم باقي فلوس عروضهم اللي كانت بعيد الفطر وما يدرون بخسارته على قولته.. ادفع ومحد يتحچى عنك!