حچي

ممثلة خليجية منبطة چبدها من زميلتها العربية اللي أحرجتها وايد مع مخرج عملها اليديد بعدما نقلت على لسانها حچي مو قايلته ولا صار ولا استوى على قولتها..

ماكو دخان من غير نار!

أسبوع

مقدمة برامج تفكر انها تشتغل في محطة خليجية بعد ما يالها عرض مغري من هالمحطة لتقديم برنامج يومي بس مشكلتها انها ما تحب تعيش بره الديرة اكثر من أسبوع مثل ما تقول..ودي أصدق!

وعود

ممثل شاب قاعد يدور على مؤسسة إنتاج فني تتبنى مواهبه التمثيلية في التلفزيون والمسرح بس المشكلة مو لاقي احد يدعمه من هالمؤسسات اللي يواعدونه وبعدين يعطونه طاف..
من صبر ظفر!