ورود: تلفزيون الكويت يظل الأصل وباقي القنوات كلها تحت عباءته

أنا مو سلعة ولي هيبتي وإذا طلع شيب براسي راح أقدم برنامج سياسي ما طلعت إلا بعد ما تعبت على روحي وطبعي ماأتحچى عن أحد قدساوية من النخاع إلى النخاع وتلفزيون الكويت مو ظالمني كثرة الشائعات اللي طلعت علي خلت عندي مناعة لأني واثقة من نفسيخالد حسين اكدت المذيعة ورود حيات تمسكها وصمودها في العمل بتلفزيون الكويت، واعتبرت تلفزيون الكويت الداعم الرئيسي لباقي القنوات، وذلك من خلال الاجابة على قراء «الأنباء»التي استقبلتها ففي «ديوانيتها» بعد تألقها في العديد من البرامج التلفزيونية. ورود التي دخلت المجال الاعلامي 2006 بعد تخرجها في الولايات المتحدة الاميركية فتحت قلبها لقراء «الأنباء» فكان هذا الحوار: صفية مهدي: ورود شلونچ؟الحمد الله تمام انت شلونچ؟ هل انت لاقية نفسچ في برنامج «تناتيف»؟اي وايد، لأني يمكن ماخذة راحتي والواحد ليمن ياخذ راحته احلى ويكون عفوي. رهف: شعرچ الاسود وايد احلى عليچ، هذا شعرچ الصچي؟هذا شعري الطبيعي، ولون شعري ذاك اللي شفتوه في رمضان حلقة وحدة هذا كان تعاسة الصالون هببو فيني، وبعدها ثاني يوم غيرت الصالون. عبدالله الخالدي: السلام عليكم ورود. وعليكم السلام. شلونچ شخبارچ؟الحمد لله بخير. انا معجب فيچ واحبچ وايد. مشكور حبيب قلبي تسلم. انت احلى من الممثلة التركية لميس. (تضحك) من ذوقك الحلو مشكور. شلون تشوفين اصداء برنامج «تناتيف»؟اللي حسيت فيه من الجمهور في كل مكان اروحه العالم كلها اتكلمني عن البرنامج وشلون اهم حابينه. بس برنامج «تناتيف» برنامج قديم مو يديد؟«تناتيف» اعداد قاسم عبدالقادر واخراج علي الريس، اول جزء كان للزميلة نادية الصقر بس هالكلام كان من چم سنة وحاليا الزميلة نادية انتقلت الى قناة ثانية وحقوق الطبع محفوظة حق تلفزيون الكويت، واي مو فكرة المذيع عشان ان البرنامج ما يتكرر وهي فكرة قاسم، وهذا البرنامج حق التلفزيون فمن حق المخرج او المعد اختيار المذيعة اللي راح اتنجح البرنامج وهم وقع اختيارهم علي انا. باعتقادچ ان الجوائز النقدية مو قليلة؟لا 30 دينار ليش مو كافية؟ على سبيل المثال انت الحين لو تطلع مع اهلك اتطلعهم واتعشيهم بـ 30 دينارا، وانا اشوفها مناسبة. بس هذا تلفزيون الكويت ليش ما اتخلونها 50 دينار؟راعي النصيفة سالم، لو خليناها 50 دينار راح نتقيد بعدد من الفائزين، حرام اخليها 50 دينار وحدي 10 فائزين، ليش ما اخليها 30 دينار و15 شخص يربح. اشلون توصل الجوائز؟عن طريق المحاسبة، اذا ربحوا يدزون رقم حسابهم عن طريق المحاسبة ويدزولهم 100 دولار اذا كانوا برة الكويت، اما اذا كانوا داخل الكويت يدقون على المحاسبة ويستلمون جائزتهم. حسن العجمي: مساء الخير ورود. مساء الورد. حاولت اشارك في برنامج «تناتيف» بس ما حصلي الحظ. دزلي ايميل وحط اسمك الثلاثي ورقم هاتفك وانشاء الله نعطيك الو. هل شاركت سابقا بالاذاعة؟لا. شنو إيميل البرنامج؟Tanateef@ Tv.gov.kw ليش ما اتحولونها من الايميل الى SMS؟اذا بنخليها SMS لابد انها تكون مع شركة وبالتالي الى مناقصة، بس الايميل احلى وابلاش مما يكلفهم شيء. چم عمرچ؟27 سنة. انت متزوجة؟اي وعندي ولد اسمه طلال. هنوف: هل تفكرين انچ اتمثلين؟لا. ليش؟لانه اهلي ما يرضون وانا ما اشوف نفسي بالتمثيل. البرامچ شنو يميز مذيعة عن غيرها؟كلنا مذيعات وكلنا وردات وكل وردة لها لونها الحلو وريحتها الحلوة ولها ثقافتها ولها استايلها، بس اشوف اي مذيع او مذيعة ناجحة لابد انها تكون طبيعية بالاداء. سمعنا ان بوعدنان طلب انچ اتمثلين معاه في الحب الكبير؟اي كلمني بس انا اعتذرت وشرحت اسبابي وقدر موقفي وبوعدنان على عيني وراسي. ايمان: شنو اعمالچ حاليا؟تناتيف وبيتك. ما اتلاحظين انهم ظالمينچ وايد وما تطلعين وايد؟حرام عليچ يوم وترك اطلع في بيتك وتناتيف وين ظالميني بالعكس. انت أي نادي تشجعين؟نادي القادسية بكل اعتزاز وأنا قدساوية حتى النخاع واحنا من مؤسسي نادي القادسية. عهود: عرض عليچ العمل في قناة ثانية؟اي وايد. ليش ما رحت معاهم؟لا والله أنا صامدة في تلفزيون الكويت. اشوف تلفزيون الكويت قاعد يظلم وايد مذيعات ليش ما تطلعين؟تلفزيون الكويت هو يظل السائد والأصل وباقي القنوات كلها تحت عباءة تلفزيون الكويت. مَن من المذيعات اللي تتابعينهم محليا؟منيرة عاشور، أحترم شخصيتها، انسانة ماشية بحالها مالها شغل بأحد وعندها لغة الصمت يعجبني هالشيء فيها. ..وعالميا؟أحب أوبرا وأتابع برامجها وأتمنى اني في يوم من الأيام احقق برنامج مثل برنامجها على مستوى الشرق الأوسط ويكون خاص في الناس الغلبانين من أمراض وفقر. الشرق الأوسط؟وايد مذيعات كل واحدة لها شيء يميزها. هل استفدت من دورة المذيعين؟اي، بس ما استفدت منها 100%، ما اختبرونا وراء الكاميرا، لكن استفدت اكثر لما دخلت الميدان ولما دربني علي الريس وناصر العتيبي، اهني استفدت اكثر، وبرنامج والله زمان كان تسجيلي بمنزلة التدريب حقي، ودخلت دورة BBC استفدت منها وايد، شيء كمل شيء، بعدين خذيت دورة صوت على حسابي، وأنا وايد تعبت على روحي وكلهم يقولون ورود يت واطلعت، والله ما طلعت مني والطريج الا بعد ما تعبت على روحي. شنو الاشاعات اللي طلعوها عليچ؟مرة قالوا ان أمي مصرية، وان اشتريت شهادتي من مصر، اشلون شريت شهادتي من مصر وأنا تخرجت في أميركا في جامعة California state univer sity northirdge تخصص Lingnistics. على أيام د.حسن ميرزا والحين د.فاطمة نذر في الملحق الثقافي في أميركا. ويقولون عني راعية مشاكل وأنا مشكلتي اني مالي شغل بأحد. شيخة: أنا كل سبت أقعد واطالع برنامجچ؟حبيبتي بعد عمري مشكورة. هل ممكن نشوفچ في برنامج سياسي او حواري؟اذا طلع في راسي شعر ابيض شوي راح اقدم برنامج سياسي، يعني لمن اكبر شوي اعلاميا. يعني ما تهويچ البرامج السياسية؟لا بالعكس لو اتكلمني بالسياسة راح أقعد معاك لي باچر الصبح، أنا أحب السياسة ومتابعة جيدة وربيت في بيتنا على السياسة، بس الحين ابعمري هذا وجوي هذا ما أشوف نفسي اني اقدم، يمكن بعد عشر سنين أقدم. ما اتفكرين أنچ اتقدمين برنامچ اطفال؟اعرضوا علي برة التلفزيون إني أقدم برنامج حق الاطفال وقاعدة افكر. والإعلانات؟دقوا علي يبون اسوي اعلان بس انا مو عارضة ازياء وأنا أرفض هالشيء، وتعلمت في اميركا عندما كنت ادرس هناك ان المرأة ليست سلعة انها تطلع في الدعايات، وأنا لي هيبتي وكرامتي وعايلتي. هل هناك عراقيل أتواجهچ في الإعلام؟أنت كإنسان عادي مو مشهور في ناس أتحبك وناس تكرهك فما بالك في المجال الاعلامي في ناس يغارون في ناس تبي اتشوفك على التلفزيون وناس ما تبي، وفي ناس تحفرك في التلفزيون واشاعات وحچي. ليش أنا ما أغار ولا أتكلم على احد، لانه ما فيني نقص، اللي ما فيه نقص واثق من نفسه.