نظم د.عيسى العميري قصيدة في مدح سمو ولي العهد الشيخ نواف الأحمد قال فيها:
ستة أبيات أرسلها وأهديها بلاعنوان
طيب أصلك يابوفيصل عنوان على إمحياك
أبارك ناظر عيوني على شوفة أعز إنسان
وأهنئ كل كفيني لأنهم صافحوا يمناك
أهل الكويت يحبونك لأنك فاتح البيبان
وعمرك ماترد اللي عانى لحاجته ينخاك
معانا اللحظة باللحظة تشاركنا فرح وأحزان
ولا إتقصر في أي واجب وتتعنى لهذا وذاك
تلوق الشيخة للعادل لأنك للعدل ميزان
ولأنك صادق النية وعملت الخير في دنياك
ترى كل حرف سطرته نابع لك من الوجدان
ولا لي مطلب وغاية يا بوفيصل سوى ملقاك