5 نواب يقترحون منح بدلات ومكافآت لأعضاء الهيئة التعليمية الكويتيين

تكفون يا جريدة الأنباء تكفون لا تخلون المعلمين ، والله كل الجرايد ظلمتنا و وقفت مع الوزيرة إلا أنتم أبيتم الخضوع للوزيرة المتقاعسة و آثرتم الأمانة في النقل ، شكراً ألف شكر لكم على جهودكم والله لن ننساكم.

الحمد لله على كل شيئ وما جاء من زيادة فلله الحمد والشكر ثم نشكر المهتمين بمشاكل المعلمين

إلى هايف وباقي النواب الذين صاغو الاقتراح ، أين أخواننا الوافدين من هذا الاقتراح ، هل الوافدين لا يؤدون الدور نفسه الذي نقوم به نحن الكويتيون، أم أن المسألة هي حسابات انتخابية ، وإذا كنتم نواب محسوبين على لتيارات الإسلامية وتقترحون مثل هكذا اقتراحات ، فشنو خليتو للآخرين . كويتي يحب العدل والمساواة

عدلو المناهج وفكونا من كثر المواد اللى مالها داعى وزن الكتب يهد حيل الطلبه من غير نتيجه وعيالنا يوصلون المتوسطه وهم مثل البهايم ما يعرفون يقرؤون لا عربى ولا أنجليزى ومدرسين وافدين لغتهم مكسره من تونس ومدرى منين جايبينهم وأولياء الامور ذبحتهم الدروس الخصوصيه ومع كل هالتخبط تطالبون بزياده رواتب خافو الله بالطلبه وراعو الحلال برواتبكم اللى تتقاضونها وأقترحو تخففون الحقايب علا الطلبه من الوزن الزايد والمواد اللى ماتنفع ولا تكسب سياسى بحجة المعلمين وأتقوو يوما ترجعون فيه لله

والله كلمة شكر أقدمها لهؤلاء الرجال جزاء وقفتهم الجادة مع المعلمين , فأرجو منهم الإستمرار في هذه المطالب و إلزام باقي النواب الوقفه الجادة مع حقوق المعلم .

مع احترامي للكلام والتنظير الزايد بس ينطبق على الكلام هذا مثل (شلون عرفت الجذبه.. من كبرها)صلوا على النبي وبلا هياط،وين قاعدين بدل 400 واعمال ممتازه 1500 والدورات وعلاوةمدري ايش .. شالكلام هذا عيب،لاتضحكون على عقول المعلمين ترى اللي فيهم كافيهم . شنو الكويت ماعندها الا المعلمين موظفين ، يبه عدد المعلمين فوق ال57 الف،خل نقول الكويتيين منهم 40 والا 30 الف .. بطلباتكم هذا الكويت راح تقترض في ظرف 3 سنوات مرتبات!! لاحول الله التنظير عند النواب الله يهديهم بلا سقف،عداد مفتوح!! لا لا بشويش بشويش

اللي قدموا الاقتراحات هذي رغم ان فيهم دكاتره الا انه مافيهم اللي حسب الكلفه والثمن اللي راح تتكبده الميزانيه بقرارات ماهي محسوبه . للعلم مانكره زيادة الخير لكن ميزان العقل لايغيب في هالامور،واذ قصدكم مدرسين الجامعه والتطبيقي ورواتبهم العاليه مقارنه بالمدرسين في التربيه فالحسبه بكل بساطه يانواب،انه عدد المدرسين في الهيئه والجامعه مايتجاوز الالف وقول الفين مع دكاترتهم .. روووووح وخلهم 10000 موظف!أما المدرسين ..فوق ال50 الف .. ف شلون تصير مطالبتكم معقوله . خفوا شوي عالبلد !!!!

أخوي عبدالله الحسيني كلامك صحيح اذا قارنته بالأرقام بس انا بسئلك سؤال بعد 10 سنوات لم يصير عدد موظفي التطبيقي 50000 راح يوقفون الكادر ؟ أحنا إشذنبنا العدد ؟ بذمتك هذا منطق انا أقول اذا كان هذا المنطق عيل لازم يكنسلون كادر التطبيقي و المساواة بالظلم عدالة