بدرية أحمد لـ «الأنباء»: الحبوب اللي صادوها عندي للتخسيس.. وسالفتي وراها حريم ماهم فنانات

مفرح الشمري «اللهم لا اسألك رد القضاء ولكنني اسألك اللطف فيه». هذا الدعاء كانت تردده النجمة الاماراتية بدرية احمد طيلة مدة حجزها في الادارة العامة للمباحث بينها وبين نفسها. «الأنباء» التقت بدرية في لوكيشن تصوير مسلسل «وحيد والمخبرين» وذلك لمعرفة الاسباب الحقيقية التي ادت الى احتجازها 4 ايام وخرجت بعدها بكفالة. قالت بدرية: اول شي احمد ربي وايد اني طلعت من النيابة بكفالة واشكر الجميع اللي وقفوا معاي والله لا يبليهم لأن مثل هالأمور الواحد ما يتمناها لأي شخص خاصة لما يكون الشخص ماشي بحال سبيله وتييله هالمصيبة. شصار بالضبط؟يوني المباحث وانا كنت قاعدة بشقتي بدراعتي وطلبوا مني اني اروح معاهم، حسيت الدنيا تدور فيني وصرت «مدودهة» ما اعرف شالقصة، بس ضباط المباحث كانوا معاي زينين وخلوني ابدل دراعتي ولبست «جينز» وبلوزة وقالوا ييبي معاچ عباية، ورحت معاهم الى المخفر وبلشوا تحقيق معاي عن حبوب الكبتي اللي لقوها بچنطتي، وقلت لهم ان هالحبوب للتخسيس وماخذته من واحد علشان هالشي وما ادري انها حبوب مخدرة مثل ما يقولون. حطوچ بالنظارة.لا والله كنت طوال الفترة اللي قعدت عندهم في مكتب المحقق وكانوا يعاملوني احسن معاملة بس رابع يوم حطوني بالنظارة، واحب اني اشكر كل ضباط المباحث على تعاملهم الراقي معاي. من وراء هالسالفة؟وراها حريم. فنانات؟ما اعتقد لأن علاقتي مع الكل زينة وما احب اني اثير المشاكل، والكل يعرف بدرية انها وايد غشمرجية وتحب الكل. بعدما طلعتي دقوا عليچ الفنانات؟للأسف ولا فنانة من الكويت دقت علي واللي اتصل علي الفنانة سناء يونس وآلاء شاكر وفاطمة عبدالرحيم، وهالشيء بالنسبة لي عادي لأن الحياة تعلمك منو صديقك او عدوك وانا ادري ان معظم الفنانات مشغولات بتصوير اعمالهن حق رمضان.تفاصيل الحوار في ملف ( PDF )