مصافحة جديدة بالقراء ونص شعري رائع تصافحنا به الشاعرة «غريبة الشوق» الشاعرة التي تغنى لقوافيها الابداع والروعة.
تأجج الشوق وازداد الحنين اشتعال
ذابت قوى الروح من ليل البعاد الطويل
اشتقت لك موت وادري ما لوصلك مجال
اشتقت لك موت مالي غير صبرن جميل
يا صاحبي كيف اسوي واللقاء استحال؟
واغصون وقتي مثل حظي: تميل وتميل
تعبت ادور اجابه تستثير السؤال
تعبت ادور تحت سدر الصحاري مقيل
تعبت اناديك يا الحظ المقفي تعاااال
تعبت والروح بفراقك تحط وتشيل
اما لهذا الحزن آخر؟ ولا له زوال؟
ومن ياخذ بثار قلبن من فراقك قتيل؟
يا متعب الروح يا حلم العمر والليال
طيفك يرجعني لذكرى الزمان الجميل
اكيد تذكر زمن عيشتني بالخيال
ومن بحر الاشواق تغرف للفؤاد وتكيل
وهالحين ذكراي صارت من ضروب المحال
ما عاد قلبك الى ذكرى (الغريبة) يميل
الغريبة شوق
صفحة الواحة في ملف ( pdf )