قالوا طموح؟ وقلت ما يطمحوني
أهل النمايم والردا واللكاعه
قالوا جموح؟ وقلت شوفو ضعوني
صفر ومغاتيرن بعالي رفاعه
قالوا تحبين الغزل؟ قلت لوني
ماهو بعيب ولا شريته بضاعه
قالوا وش أعذب طرق سيد اللحوني
قلت الهلالي أنطرب لاستماعه
قالوا أجدودك؟ قلت لا تنشدوني
اهل الكرم وأهل الصخا والبتاعه
قالوا جريه؟ قلت والحق دوني
على النقا ماهو حديث الدناعه
قالوا أبوك؟ وقلت قرة أعيوني
لولا وجوده ما كتبت أبراعه
قالوا أخوك؟ وقلت قرمن حنوني
اليا انتخابي في حضور الجماعه
قالوا سعدك؟ وقلت شوف المزوني
في خايعن قفرن من الناس ساعه
قالوا تحبين الهدد؟ قلت كوني
اليا قلب ثم حام بأقصى ارتفاعه
قالوا حبيبك؟ قلت لا تعذلوني
يفداه قلبن لاعه البعد لاعه
قالوا يحبك؟ قلت مثله يموني
قلبي وعقلي في يدينه وداعه
قالوا أمير؟ وقلت لا تحرجوني
شيخن بطبعه ولا أمل استماعه
قالوا يحبك؟ قلت هذا جنوني
يدري وأنا أدري وطاري البعد راعه
والله ما أرخص صاحبي لوجفوني
كل القرايب والأهل والجماعه
-
الجفول من الكويت
aljfo0l1@