إحساسنا المكسور

جمعان وقيان وقصيدة صاخبة تنفث غضبها بهدوء الشعر ورقي طرحه، شاعر رائع طالما قرأنا منه اجمل المشاعر وها نحن ننهل منه الشعر ليروي عطش الذائفة في اجمل مواطنها.قصيدة نابعة من غيرة على الدين وحب لاعظم الخلق. خطوا فيك ياللي مولدك للخلايق نور.. خطوا فيك وانت الجهل حطمت ديجوره.. وللشعر وللموقف بقية من خلال هذه المساحة المضيئة بنور الشعر، نقرأها ونحصد ثمارها من الشاعر جمعان وقيان مسا الخير ولا يا مسا احساسنا المكسور.. مسا الـعـز ولا يــــا مســا الــذل وشعوره.. مسا الحـق ولا يــا مســا صـوتـنـا المقهور.. على حالنا اللي يـوجــع المـاضي حضوره.. الا يــــا امــة التوحيد زاد الخـطـا والـجــور.. وحـنـا مـثـل مــن قـطــع الخـوف حنجوره.. مــن الـمـركـز الاول الـى آخـــر الـطـابـور.. علـى كـثـرنــا صـرنـــا الـبـراويـز والصوره.. مـتى مالنا غـيـر الـمـتـى والقلوب قبور.. كـثـيـر التمـنـي مــا حـيـا روح مقـبـوره.. فلسطـين راحـت والسبايب وعـد بلفور.. ولا حــركت فينا الخديعة سـوى ثــوره.. خطابـات رنـانـة رجــال ونسـا جمهور.. وحرق العلم موضة وكلن خذى دوره.. ترى هكذا ما تورد الابل يا اهل الشور.. ولا هكـذا نسترجـع المـجـد وعصوره.. مــدام اتـبـاع الـدين بصدورنـا مـبتتـور.. فلا هي غـريبة هيبة الـديـن مـبـتـوره.. تمادوا علينا لـيـن صـرنــا بــدون شـعـور.. غدى شغلنا الشاغل عرى الفن والكوره.. وش اللــي بـقى ما صار فينا عشان انثور.. خـذيـنـا مــن اشكـال المهـونـة كــذا دوره.. الـيـن المهـازل وصلـت حـدهــا المحـظـور.. على المهدي اللي كسر الظلم وشــروره.. خطوا فـيـك ياللـي مـولــدك للخلايـق نــور.. خطوا فـيـك وانــت الجهل حطمت ديجوره.. خطوا فيك وانت الصــادق ولا نـطـقـت بزور.. خطوا فيك وانت الشرك بـعـثـرت جمـهـوره.. خطوا بالامين المؤتمن فــي عظيم الـــدور.. وهو مـن غــرس للديــن دعـــواه وبـــذوره.. خطوا والخطا ما حرك امن الشجر عصفور.. تـهـــاوت هممـنـا والـعـدو بـيـن ســـروره.. كفاية مسانـا ضـاق باحساسنا المكسور.. كفاية نبـيـح الضـعـف ونـبـرر حـضـوره.. جمعان وقيانصفحة الواحة في ملف ( PDF )