Note: English translation is not 100% accurate
صباح السبت
8 نوفمبر 2014
المصدر : الأنباء
فتاة تهامة ـ دبي
الصبح عندي صباح السبت
في داخل الروح له معنى
مثل الندى لا تغشا النبت
لا رايع النود رايعنا
الوجد يشره عليه الكبت
لا حدثه عن مدامعنا
ياما على خاطري قربت
حس مع الوقت ينفعنا
أشعر بعجزي ولو أسهبت
بالشوق لأغلى مرابعنا
من جرعتك بالغلا ما طبت
دعنا بخمر الغلا دعنا
وش عاد يا صاح لو سببت
جمعك على بعض وزعنا
ما أرتبت يا مالكي ما رتبت
مادامه الحب مشبعنا
عن باقي الناس لي حببت
غيثك لضامي مراتعنا
ما تبت عنك أبد ما تبت
ياللي عن الغير مقنعنا