Note: English translation is not 100% accurate
صرت الشمس
28 فبراير 2015
المصدر : الأنباء
يوم اني صرت الشمس بعيونك الليل
وشـلــون ابشرق والسهر محتويني
ولمـت لـك مـع غـــيبة النـور منـديـل
ولــيا بغـــيتي شـوفتي .. اذرفـينـي
اهــدي لي كـحلك بالتـعــاليل قــنديـل
وفـي حضــن خـدك يالغــلا دثـريني
مـا بيـك لحــظـه تفـتقــد للتفــاصــيل
ابيــــك ديـــمه لجــل ما تمــطرينــي
مدامي فيك الشـوق والمـوق والحيل
عـديني غــلطة عـمر .. لا تغفـريني
ومدامـك الحاني أفـ كـل المـواويــل
بجيـــك مــوج واحمــلك تعــــتليني
خذيني شح العطا، والجرح ، والويل
خـذيني سكرة عـشق .. ثم انتشيني
بحضن لك القمرا وانا دبـلك سـهيل
واسـقيك كـذبي .. لـين ماتصـدقيني
ان ذابت اللـهفه بشــح المواصـيل
ردي لـي احـلامي قــبل تســهريني