الزعابي: قطاع المرور ملتزم بقرار وزير الداخلية ولا استثناءات من شرط الراتب أو المؤهل

والله يا سعادة اللواء الحين هالأجانب وأخص بالذكر البنغالية والهنود واللي لا أعتقد أن عددهم يقل عن 400 ألف الممنوح لهم رخص قيادة كلهم جامعيين ورواتبهم تزيد عن 400 دينار ؟ والله لو كانو صج جامعيين وهذا من رابع المستحيلات ماخلتهم بلدانهم يطلعون منها وللأسف قيادتهم للمركبات رعونة وعدم انتباه وسباق وتحميل ركاب أكثر من العدد المسموح ومخالفات لها أول ومالها تالي في غياب وزارة الداخلية .

رشاوي رخص القيادة.لا يحملها البعارين.الاجازة 250 دينار.كل البنغاليين والايرانيين والسوريين والمصريين وهم غير جامعيين ويعملون فى مجالات السكراب وبيع الجرائد وتوزيعها وميكانيكية ومقاولين.يجب وضع نقاط التفتيش وسحب الرخص منهم والسيارات التي يقودونها.ومن هنا نبتداء الطريق لتخفيف الزحمة المرورية.

أعتقد أن الحل الأمثل للإزدحام المروري يتمثل في إعادة توزيع جغرافي لأماكن العمل المتكدثة في مناطق معينة مثل الشويخ تجد بها مناطق حرفية وتعليمية وطبية وتجارية وزراعية وصحف ومعارض وكراجات وخلافة وهذا كله في منطقة واحدة ومن الطبيعي أن يحدث تزاحم نتيجة سيول السيارات التي تذهب للعمل ذهاباً واياباً وأقول الحل في توزيع بعض الاختصاصات إلى أماكن لايوجد بها تكدثات مما يساهم في حل المشكلة بشكل جذري وليست مجرد حلول تنصب في أغلب الأحوال على الفرد فقط ، فالتوزيع الجغرافي هو من وجهة نظري الحل الأمثل

اهو صح منح الرخص القياديه للكل لا يجوز الا بتوافر شروط وخاصة في ديرتنا الكويت ولكن ليس بهذه الطريقة.....انا وافد مواليد واهلي كلهم بالكويت وطووول عمري بالكويت لدرجه احس اني من عيال الديره وربي حتى لهجتي الام ما اعرفها واشلون صايره ووين مكانها ...درست بمدارسها واشتغلت بشركاتها وعشت الحلوة والمره فيها....مو من حقي اني اكون مواطن وحتى لو على الاقل رخصة قياده انا اشتغل موجودة كل هالشروط عندي وبالنسبة للجامعة انا قاعد ادرس فيها ويبت ورقة معتمدة من الجامعة تفيد استمراري فيها 3 مرات وهم ماكو فايدة....

كلام فاضي هذا يعني الي بالشارع الحين كلهم رواتبهم 400 دينار ههه والله عمال زراعه رواتبهم 45 دينار كلهم عندهم لياسن وسيارات وانا اشتغل بالهيئه من قبل يروحون باصات الحين كل واحد سيارته عنده حاله حال الموظف والي ما يصدق يمر الزراعه بالرابيه ويشوف والزعابي عباله كل الامور طيبه رشاوي واسطات بوميا تعطي هالياسن وتقولي 400 دينار ههههه

الي يبي رخصه بسعر رمزي من غير شروط والله يجي الكويت وكلام فاضي الي يمشون بالشارع الحين رواتبهم 400 والكثر مستحيل الناس تصدق هالكلام ويمكن الي تقصده 400 رشوه عشان يطلع ليسن مو راتبه هههه والله بلاوي بقسم هالرخص لو يحطون واحد نظيفه ينظف هالملفات من هالعماله عمال عندهم سيايير وين صارت اي دوله هذي هههه شي يفشل والله وانا اقول الي ما يقدر ينظف قسم الرخص بستقيل وانا اتوقع 70 بالميه اجانب عندهم رخص ما عنده راتب حتى 100 دينار لان في عمال زراعة على قوله الاخ غانم راتبه 45 عنده سياره والله مشكله ابتلشنا