نيكول سابا غاضبة.. وورد الخال: «ما تعصبي مرت خيي»

عبرت الفنانة اللبنانية نيكول سابا عن غضبها من بعض الوسائل الإعلامية التي ترجمت حديثها عبر أحد مواقع التواصل الاجتماعي بطريقة كاذبة وخاطئة ومستفزة. وكانت سابا قد باركت لزوجها نجاح مسلسله «وأشرقت الشمس» قائلة «مبروك يا عمري»، إلا أن بعض الوسائل حاولت جذب القراء وقالت: «نيكول تبارك لزوجها زواجه بممثلة ثانية»، الأمر الذي أغضبها ودفعها للخروج عن صمتها والرد. وجاء رد سابا على الشكل الآتي: «بستغرب كيف بعصر مواقع التواصل الاجتماعي ويلي سهل علينا كلنا إيصال أفكارنا بسرعة وبوضوح لأنو نحن بنفسنا منكتبن، أقرأ عناوين المفروض هي نقلا عن تغريدة أنا كتبتها وهون عم بحكي عن عنوان تناولتو بعض المواقع الإلكترونية بقول: نيكول تبارك لزوجها زواجه بممثلة ثانية». وتابعت نيكول، حسب موقع «دنيا الوطن»: «للحظة فكرت حالي عم بقرا عنوان لفيلم ممكن يجمعنا سوا أو لمسلسل، طلع عنوان لتغريدة المفروض أنا كتبتها وين هالشي؟ والله للتصحيح هالشي كان تغريدة قلت فيها لزوجي مبروك على مسلسلو وأشرقت الشمس يلي عم يحقق نسبة مشاهدة عالية مش للفيلم يلي أكيد رح باركلو عليه بس ينزل لأنو لهلا ما شفتو وما بعرف عن شو بيحكي فمن وين إجا عنوان وخبر المباركة يلي حبو بعض المواقع ينقلوها من دون حتى ما يقروا صح ولو معقول. وأكيد كل العناوين بهدف جذب القارئ لأنو أنا اندهشت من العنوان فيا ريت لما بدنا نكتب عناوين لو حتى بهدف جذب القراء ناخد بعين الاعتبار انو في بعضها بكون مستفز ومنقول صح من أساسو». هذا وردت الممثلة ورد الخال على نيكول قائلة: «انسي..هيدي ضريبة مندفعها يوميا ع بعض الناس اللي بيدعوا الضمير «المهني».. القافلة تسير والكلاب تنبح.. ما تعصبي مرت خيي».