كشفت النجمة مي كساب عن العديد من الأسرار والكواليس الخاصة بحياتها الشخصية، وقالت: «أنا من الشخصيات اللي ما بعرفش أستسلم للاكتئاب ولا التشاؤم، ولا أي حاجة بتديني طاقة سلبية، ممكن الحالة دي تسيطر علي دقايق ومتأخدش في حياتي أكبر من كده، وعلى طول لازم أتغلب عليها».
وتطرقت مي لعلاقة الرجل بالمرأة، قائلة، خلال استضافتها في برنامج «مع دودي» الذي تقدمه الإعلامية دعاء صلاح على قناة «النهار» المصرية: «عندي وجهة نظر أنثوية بحتة، دائما الرجل يكون السبب في الأمور اللي الستات بتقلق وتخاف منها، في رجل يخلي حياتك حلوة وآخر يخلي حياتك وحشة، والست كائن ضعيف وطول الوقت حياتها مرتبطة بهذا الرجل وده ممكن يخليها فرحانة أو زعلانة أو غير ذلك».
وعن رأيها في الحسد، ردت: «بخاف من الحسد، وحصلي كتير في حياتي، وأنا بولد لقيت أصحابي بيصوروني، وماكنتش مركزة، وجه والدي قالي غلط، فقعدت يوم زيادة في المستشفى وتعبت جدا وحصلتلي حاجة مش طبيعية».