لم تتحمل الفنانة عبير صبري كثيرا رواج شائعة خضوعها لجراحة تجميل، واعتبرتها «حملة مسمومة» يشنها أصحاب «القلوب المريضة» ضدها، ووجهت رسائل قاسية جدا إلى كل من ساهم في رواج الشائعة عبر منصاتها بمواقع التواصل الاجتماعي، ونشرت عبر حسابها بموقع «انستغرام»، صورة للفنان الراحل أحمد زكي مع جملته الشهيرة من فيلم «الحب فوق هضبة الهرم» تقول: «كلهم كدابين، وعارفين إنهم كدابين وعارفين إننا عارفين إنهم كدابين، وبرضه مستمرين في الكذب وبيلاقوا اللي يصفقوا لهم».
وعلقت عبير على الصورة قائلة: «لكن الواحد بيترفع عن المرضى النفسيين الكذابين، والناس اللي فشلت تكون شيء فملاها الحقد والحسد والغل على اللي حقق شيء، والناس البائسة المريضة اللي فاكرة إنها لما تنشر خبر كذب وهما عارفين إنه كذب عشان، يعملوا ترافيك ونسب مشاهدة كبيرة ويدخلوا المشوهين نفسيا والغيورات والكارهين يطلعوا بؤسهم وسواد قلوبهم ولسانهم اللي بينقط سم، ومعندهمش غير شاشة تلفون يستخبوا وراها فاكرين إن سمهم يقلل من جمال روحي أو حتى شكلي».
وتابعت قائلة: «الواحد ساعتها بيترفع عن الناس المسكينة دي، كفاية النار اللي جوه قلوبهم، على رأي المثل.. مالقوش في الورد عيب قالوا له يا احمر الخدين».
وأضافت: «عمري ما عملت ولا هاعمل حاجة يا فشلة ياللي بتاخدوا صورة معمولة على برنامج فوتوشوب على التلفون، وانتم فاهمين ده كويس واكتر من غيركم، وبتخدعوا الناس اللي بتابعكم بأخبار كذابة زيكم، وتقولوا عليها تجميل، بعتذر لمتابعيني اللي يعرفوا عني العقل والهدوء، بس وجب التنويه عشان الظيطة الكذابة اللي بتحصل حواليه.. بالمناسبة أنا الحلاوة الطبيعية كلها والجمال كله».