نفى المطرب الشعبي المصري شعبان عبدالرحيم أن يكون غنى لجماعة الإخوان المسلمين، مؤكدا ألا علاقة له بالأغنية التي نسبها البعض له وانتشرت على مواقع التواصل الاجتماعي، وتقول كلماتها: «يا مهاجم الإخوان.. هتروح من ربك فين، مالقوش في الورد عيب.. قالوا يا أحمر الخدين».
شعبان أوضح أنه لم يغازل الإخوان بأغنية، وقال «أقسم بالله ما حصل لأن كلمات الأغنية دي مش بتاعتي، وأنا عمري ما سمعت عنها ولا شفتها ويظهر أن الناس قاعدة تلفق وتخترع الكلام على لساني وخلاص، لأني عمري ما غنيت للإخوان، وأنا مش من بتوع ركوب الموجة».
المطرب الشعبي كشف عن أنه يشك في أن يكون شخص إخواني هو من روج لهذه الأغنية ونسبها له كدعاية للجماعة، وأضاف: «الناس بتقول أي كلام والسلام ودي مش أول مرة يتلفق الكلام على لساني ويظهر أن الناس بتستغل أني طيب ومش فاضي انبش وراهم ومش متابع الكلام ده، وبيتكلموا على لساني ودي دعاية للإخوان، وحاجة في صفهم، لأن أي حد يدخل يقرأ الأغنية يساند الإخوان، لأن شعبولا مساندهم وبصراحة حاسس ان اللي عمل كده حد إخواني عشان يصيت للإخوان لأن أي حد أنا غنيت له اسمه بقى فوق».
شعبولا أوضح أنه على موقفه في تأييده للسيد عمرو موسى رغم خسارته في انتخابات الرئاسة، مشيرا إلى أنه عندما غنى لموسى لم يكن يحتاج لدعاية له، لأنه شخص «متصيت، والكبير كبير» بحسب تعبيره.
أما بخصوص غناء نجله عصام للفريق أحمد شفيق المرشح الخاسر في انتخابات الرئاسة فقال: «عصام كان شايف ان شفيق الأحق والأصلح بس مفيش نصيب، وفي النهاية احنا لازم نقف كلنا مع الرئيس حتى لو مكنش من اختيارنا لأنه رئيس مصر».
عبدالرحيم بعث برسالة للرئيس محمد مرسي قال فيها: «عايز أقول للرئيس مرسي شفلنا حل في مشكلة الكهرباء والمجاري عشان في رمضان زادت على الآخر»، ولفت إلى أنه قد يغني لمرسي في حالة: «لو أثبت كفاءته، وأنا راجل مصري زى أي حد أكيد هحبه لو عمل حاجات كويسة وأغني له وأعمل أي حاجة وهنصبر الـ 100 يوم زى ما هو قال وبعدها يحلها الحلال ومستعدين نصبر سنة كمان».
وفي الوقت الذي أعرب فيه شعبان عن إعجابه بمسلسل «الزوجة الرابعة»، وبأداء بطله الفنان المصري مصطفى شعبان، شدد على أنه لا يؤيد فكرة تعدد الزوجات، وبرر ذلك قائلا: «اللي بيتجوز كتير ده مفتري، ممكن ربنا يديك واحدة بس لكن تبقى أفضل من عشرين، وتجبلك عيال وتخدمك وتكافح معاك لأن الحكاية مش بالكترة لأن العدد في الليمون».
شعبولا أكد أنه لن يفكر في الزواج على زوجته وأم أبنائه، وأضاف: «مستحيل لأن خلاص أحنا كبرنا وجوزنا عيالنا، وكمان أتجوز على أم العيال اللي وقفت جنبي وقت ما كنت عايش في أوضة فوق السطوح، وقبل ما أكون مغني مشهور حتى أبقى واطي».