فاطمة عبدالرحيم: ما أفكر في الإنتاج لأن الأزمة الاقتصادية «مأثّرة على الجميع»!

مفرح الشمري أكدت النجمة البحرينية فاطمة عبدالرحيم لـ «الأنباء» انها رفضت المشاركة في أربعة أعمال درامية تلفزيونية وذلك لأنها لم تجد فيها أي إضافة لمشوارها الفني، خاصة انها جسدت العديد من الشخصيات الفنية على شاشة التلفزيون آخرها مشاركتها في مسلسلي «الاعتذار» و«امرأة اخرى».. في السطور التالية الكثير من التفاصيل: شخبارچ فاطمة؟الحمد لله. انت وين الحين؟في البحرين مع عيالي. شنو ما عندچ تصوير لأعمال يديدة؟لا والله مثل ما يقولون استراحة محارب واكتفيت بالأعمال اللي صورتها. شنو هالأعمال؟مسلسل «الاعتذار» و«امرأة أخرى». ما انعرض عليچ اعمال بعد هالعملين؟انعرضت علي أربعة أعمال درامية واحد منهـــا حق خالد البذال وخالد الطخيم ورفضتها. ليش؟ما لقيت فيها شي يضيف لي بس في عندي عمل قاعده اقراه الحين وما ادري اوافق والا ما اوافق عليه. حق منو؟ما راح اقول الحين خلني اقراه وبعدين اقولك حق منو. طيب ما في اعمال سينمائية؟لا للحين بس فيلمي «مر يمي» قاعد يفتر على المهرجانات خاصة بعدما اخذت عليه شهادة تقدير من مهرجان دبي الأخير. شنو كان شعورچ وانت تستلمين هالشهادة؟شعور ما ينوصف خاصة ان المهرجان يوجد فيه الكثير من النجوم العرب والعالميين وكنت سعيدة بهالشهادة. متى راح ينعرض مسلسلچ «الاعتذار»؟ان شاء الله الاسبوع الياي على شاشة قناة ابوظبي. الحين قاعد ينعرض على «الراي» مسلسلچ «ملامح بشر»؟شي حلو وبعدين «الراي» قاعدين يعرضوا لي مسلسلات وايد وانا احب هالقناة الحريصة على ابراز الاعمال الدرامية الخليجية. ما تفكرين بالانتاج؟لا والله تدري الأزمة الاقتصادية مأثرة على الجميع «تضحك». على طاري الأزمة الاقتصادية المنتجين موقاعدين يساومونكم على اجوركم؟هالشي من زمان بس الحين لقوها فرصة وحجتهم الازمة الاقتصادية. والزواج ما تفكرين فيه؟لاخلني عند عيالي وايد احسن. ما عندچ مشاركة ثانية في «الساكنات في قلوبنا»؟كان المفترض ان يكون لي أربع حلقات بهالعمل بس لارتباطي بأعمال في الكويت اكتفيت بحلقة واحدة ولله الحمد نالت استحسان الجميع لأنها كانت تدور حول الشكوك في الحياة الزوجية. الصفحة الفنية في ملف ( PDF )