جيني إسبر: «هيك لعب أطفال» !

أعربت الفنانة جيني إسبر عن غضبها الشديد ممن يحاول الإساءة إليها عبر قرصنة صفحة «الفانز» الخاصة بها التي تحوي أكثر من 50 ألف معجب. وللمرة الأولى، تعكس بطلة «صبايا» غضبها على صفحـــــات الـ «فيسبوك» لتقول: «لكل المندسين والحاقدين والمرضى النفسيين، إللي بدو يهكر الصفحة ما يحتاج إنو يسهر الليالي ويتعب حالو لكم شهر. أنا مستعدة أعطي الصفحة لأي واحد منكن لمدة بسيطة إذا كان هاد بيعالج العقد والأمراض النفسية تبعو، ولو منساعدكن على الشفاء». وأضافت، بحسب ما ذكر موقع «انا زهرة»: «أعتذر عن الذي حصل، تم العبث بالصفحة لدقائق عن طريق شخص مفكر حالو انو ممكن يضرني أو يهكر وكأنو حرر القدس». ووجهت كلامها لمستهدفها قائلة: «بحب قلك واصل واستمر على هالوضع إنك عم تشتغل ليل ونهار وشاغل حالك فيني وكيف بدك تأذيني، وهي أنا عم قدملك خدمة وبشهرك، بس الشوكة لي بحلقك رح تظل بحلقك. روح اتعلم أكتر بلكي المحاولة الجاية بتصير أفضل لأنو هيك لعب أطفال».