شكران مرتجى: لماذا لا تعتذرون؟!

شنت الفنانة شكران مرتجى هجوما لاذعا على الطريقة التي يتم التعامـــل بها في الوسط الفني السوري مع الفنانين والفنييـــن وغيرهم، حيث كتبت شكران على صفحتها الخاصة على موقع التواصل الاجتماعي «فيسبـــوك»: «بدي أحكي عن ظاهرة أخرى، بيحكـي معك مدير إنتاج لعمل ما كرمال شغـــل، وبتفقوا على كل شي، الدور، الأجر، وأهـــم شي المواعيد والتنسيـــق، وفجــــأة فص ملح وداب، بيختفي هو والعمل، ومــــا بيتصــــل متل ما كان هالكــك بالتليفــــون كل ربع ساعه». وأضافت شكران: «ليش؟ طيب ياسيدي «واتس» أو «مسج» أو «فيبر»، حمـــام زاجل، معلش لا تخجل بتصير وبتتأجل الأعمال أو ممكن في حسابات تانيه، مــو مشكلة بس اعتذر لأنه علــى فكره ممكن إنت تمر بنفس القصــــة ويصير العمل وما يخبروك، وفجأة تدري إنه مدير إنتاج تاني عم يشتغله بتصير ياصديقي يا كتير.. الاعتذار ثقافة وحضارة». وكانت شكران قد فتحت موضوعا مشابها على صفحتها على «فيسبوك» الفترة القليلة الماضية، حيث كتبت: «بــدي أكتب شغلة بتعني كتار بالوســـط الفني، إلها علاقة بأصــــول المهنة، وإلها علاقة بالأصول بشكل عام، وهي ملاحظة عامة للأسف، وكأنها صارت تقليد، مثلا بينحكى مع ممثل أو ممثلة على دور فجأة الممثل والممثلة بيلاقو زميل آخر عم يلعب الدور بدون إحم ولا دستور، المشكلـــة بميـــن؟ مو مهــــم برأيـــي هي مشكلة أخلاق فقــــط لا غيـــر». وختمت شكران مرتجى: «الاعتـــذار ما بيصغر حدا بالعكس تماما بيرفع الشخص».