دعاء خطاب
في لقطة إنسانية، ظهر أبناء الفنان المصري شريف إدريس، الذي يقوم بدور الإرهابي "رضوان" في مسلسل نسر الصعيد، وهم يدخلون في نوبة بكاء، عقب مشاهدته متوفي في احداث الحلقة الـ12 من المسلسل.
ويتم قتل "رضوان" في الحلقة الـ12، على يد الضابط "زين القناوي" الذي يقوم بدوره الفنان محمد رمضان، بعد تورطه في تفجير قسم شرطة قنا.
ونشر إدريس الفيديو وعلق عليه قائلا :"مراتي بعتتلي الفيديو ده لحبيبة وعمر وجواد وهما بيتفرجوا على مشهد موتي.. أنا بره البيت".
وأعقب تلك التدوينة بأخرى كتب فيها :"الحمد لله سيطرت عالى موقف سيبت اللي في إيدي وجريت روحتلهم ️يا محلي حضنكم".
فيما علق الفنان محمد رمضان قائلا: "يا حبايبي، ربنا يحفظهم ويخليك ليهم يا شريف، وعرفهم إنه تمثيل وإننا أصحاب يا جدع، بابا عايش أنا مقتلتوش يا ولاد".
ونفى خلال حديثه لـ"الانباء" اتهامة بنشر المقطع المصور بحثا عن الشهرة قائلا :" اي حد يعرفني شخصيا يعرف اني شخص عفوي واللي في قلبي علي لساني ومابفكرش في اي رد فعل قبل ما اخده..واللي حصل اني لما اتبعتلي الڤيديو مافكرتش لحظه واحده ونزلت الڤيديو علشان اقول للناس شوفو ولادي بيحبوني قد ايه..واتصلت بيهم وطمنتهم وجريت عالبيت وسيبت الناس اللي قاعد معاهم وروحت اطمنهم..ونزلت الڤيديو علي صفحتي باعتبار انه يبقي ذكري ليهم لما يكبرو..وعلي فكره هما شافو المشهد بالصدفه..طبعا انا ضد ان الاطفال تتفرج علي اي عنف وانا شخصيا في تربيتي ليهم مش بسيبهم يتفرجو علي حاجه او يلعبو لعبه غير لما اكون متابعهم سواء انا او مامتهم..وعلي فكره ولادي بيعيطو بهيستريا برضه لو انا نازل من البيت حتي لو نازل اجيب حاجه من تحت..لانهم متعلقين بيا جداً..انا بعشق ولادي بشكل هستيري عمري ما أأذيهم..والناس اللي قالت في ضهري وهما اصحابي اني نزلت الڤيديو علشان اتشهر والكلام ده..مش هرد عليهم علشان انا اولادي اغلي عندي من شغلي وروحي وحياتي كلها..الشهره دي انا اعرفها الحمد لله من قبل ماناس في الوسط ده يتولدو اصلاً..بس الحمد لله عمري ماكان عندي نقص..وعمري ماتعاملت مع حد بشكل متعالي ولا فيا طبع التناكه..العظمه لله..عالعموم مقدر خوف بعض الاصدقاء علي اولادي وبشكرهم وان شاء الله خطأ عفوي مش مقصود ومش هيتكرر"
يذكر أن مسلسل نسر الصعيد، يتم عرضه الموسم الرمضاني الحالي، من بطولة محمد رمضان، شريف إدريس، مها أبو عوف، وفاء عامر، سيد رجب، أحمد خالد صالح، دره.