نجوم فريق ستيچ قروب: انتظرونا في «الهامور المفترس» و«أمنا الغولة»

أعدنا مسرحية «مسرح بلا جمهور 4 » بناء على طلب المجلس الوطني وفوجئنا بالحضور الجماهيري الكبير في مسرح الدسمة محمد الحملي:هذي سالفتي مع «مصاص الدماء» وأنتظر وعد عبدالعزيز المسلم عبدالمحسن العمر:سعداء بجائزة أفضل عرض متكامل وانتظروا منا المزيد دوري في مسلسـل «الهدامة» مختلف عن أدواري السابقة عبدالله البدر:الحمــد لله علــى نجاح دوري في «الاعتـذار» ومستانس بردة فعل الجمهور صادق بهبهاني:ستيچ قروب عاصمة مسرح الشباب وهدفنا مو المادة انتظر دوري فـي «رسائل من صدف» بفارغ الصبـــر بشار جاسم «مسرح بلا جمهور» او فرقة ستيج قروب حققت العديد من الانجازات سواء المسرحية او الافلام القصيرة، حيث بدأ مسرح بلا جمهور في عام 2005 واستمر لغاية عام 2009 باسم ستيچ قروب وحصل على العديد من الجوائز بالعديد من المهرجانات المسرحية وآخرها مهرجان الخرافي حيث حصلوا على جائزة افضل عرض متكامل عن مسرحية «مسرح بلا جمهور 4». فريق مسرح بلا جمهور او فرقة ستيج قروب حلوا ضيوفا على ديوانية «الأنباء» بقيادة المخرج محمد الحملي والفنانين صادق بهبهاني وعبدالله البدر وعبدالمحسن العمر. تطرقوا للعديد من المحاور الفنية منها عن حصولهم للجوائز وعن جديدهم بفرقة ستيج قروب والعديد من الامور، واليكم التفاصيل: سـارة: محمد الحملــي شلونك؟ محمد: هلا فيچ يا سارة. ليش ما شفناك مع اعادة عرض مسرحية مصاص الدماء؟ والله ما صار تنسيق بينهم لان كان بوقتها عرسي وكان يشرفني اني ارجع اشارك معاهم. اللي اعرفه انك مخرج العمل لكن اسمك ما كان مكتوب ليش؟ انا مثلچ مصدوم من هالسالفة ولما كلمتهم قالولي ان الاخراج تغير لكن حضرت العرض واكتشفت ان الاخراج نفسه واللي تغير ما يتعدى 20% ولما كلمت المنتج عبدالعزيز المسلم وعاتبته قالي انه راح يحط اسمي على تصوير المسرحية بالڤيديو وانا ناطر وعده وعموما المسلم فنان قدير وتشرفت بالعمل معاه ولما يوعد يوفي. تهاني: عبدالله شلونك وانا من اشد المعجبات فيك؟ عبدالله: مشكورة يا تهاني هذا من ذوقچ. بصراحة بدعت في مسلسل «الاعتذار»؟ ما قصرتي وإن شاء الله اكون عند حسن ظنكم. فطوم: عبدالمحسن شخبارك انا بس حبيت اسلم عليك وايد وايد وأقولك اني اموت فيك؟ مشكورة وانا بعد اموت عليكم وايد وايد. بدر: بدعت يا محمد بالمقرود وعيال بوسالم؟ محمد: حبيبي يا بدر ما قصرت. وشنو جديدك؟ عندي مسلسل «دمعة يتيم» مـع الفنانة القديرة حياة الفهد علــى تلفزيون الوطن وقناة روتانا خليجية. صفية مهدي: محمد عندك مسرحية بالعيد؟ محمد: عندي مسرحية بعيد الفطر اسمها مدينة الظلام من تأليفي واخراجي من انتاج باسم عبدالامير وبطولة نخبة من النجوم بالاضافة الى فيلم سينمائي اسمه اسرار مع فرقة ستيج قروب وهم عندنا مسرحية اسمها الهامور المفترس مع مسرح الشباب. ممكن اكلم الفنان صادق بهبهاني؟ تفضلي يا صفية معاچ. شنو جديدك برمضان؟ عندي مسلسل اسمه «رسائل من صدف» تأليف عبدالعزيز الحشاش واخراج احمد دعيبس وبطولة غانم الصالح وجاسم النبهان ولمياء طارق ومجموعة من النجوم وانتظر دوري في المسلسل بفارغ الصبرعلشان اعرف ردة فعل الجمهور. احمد: يا ريت تكلمونا عن اعادة عرض مسرحية «مسرح بلا جمهور 4»؟ هذا بطلب من المجلس الوطني للثقافة والفنون والآداب لمهرجان صيفي ثقافي واختاروا مسرحية تاتانيا ومسرحيتنا كوننا حصلنا على جائزة افضل عرض والحمد لله ما توقعنا هذا الحضور الجماهيري لمدة يومين ومن غير دعوات وهذا يدل على صيت العمل نفسه اللي جعل الجمهور العادي يحرص علــى الحضور. وليــــش مـــا تعرضونهــا ايام اكثر للجمهور؟ مافي مسرح فاضي وما نقدر ننتج بستيج قروب كتكاليف دعاية واعلان وغيرها من الامور لكن الحمد لله على كل حال ونجاحنا يكفينا. كلمونا عن مسرحية «الهامور المفترس»؟ والله هذا عمل ضخم ويمكن نأجله حتى المهرجان المحلي والعمل مو من ضمن مسرحيات «مسرح بلا جمهور» خصوصا انه يحتاج الى ورشة وجهد ما يقارب الـ 4 اشهر تقريبا فمافي وقت، وعندنا عمل جديد ما حددنا لأي مهرجان واسم المسرحية امنا الغولة. خالد: صادق عجبني دورك في مسلسل الخراز؟ صادق: مشكور يا بووليد هذا من ذوقك. هالسنة عندك عمل مع ام سوزان؟ لا والله لأني ارتبطت مع اسرة مسلسل رسائل من صدف وان شاء الله الدور يعجبكم. وممكن نعرف بطاقتك الشخصية يا الحملي؟ محمد راشد الحملي، خريج المعهد العالي للفنون المسرحية، متزوج: مواليد 14/1/1986 وبرجي الجدي. مسرح بلا جمهور 1، 2، 3 و4، والجاي هل راح يكون نفس الفريق من الممثلين؟ الحملــي: مســرح بلا جمهـــور فيــــه مشكلة ايجابيــة ومشكلـة سلبيــــــــة، والايجابية اني ارتاح بالشغـل مــــع عبدالله البــــدر وعبدالمحسن العمــر وتعودنـــا من البدايـــة ان نكــــون مع بعض وعبدالله خضر شارك من الجزء الثانــــي معــانا واستمر وصادق كذلك شارك معانا والمشكلة السلبية ان من كثر ما صاروا الـ 29 ممثل مع بعض صار اداؤهـــم نفـــس الشي وقراب من بعض وهذا اللي راح أحــــاول ان اغيره فيهم مـن خلال «مسرح بلا جمهور» 5 بمهرجان الخرافي المقبــــل واحنا تعودنا ان مسرح بلا جمهور ما يشارك الا في مهرجان الخرافي. نوال: ممكن اعرف شنو جديد عبدالمحسن العمر؟ عندي مسلســـل «الهدامة» مع محمد دحام الشمري واجسد دور مدرس في مدرسة المباركية وهو عمل تراثي اتمنى انه يعجبچ يا نوال وهو مختلف عن ادواري السابقة. وعبدالله البدر؟ عندي مسلسلين الاول «الهدامة» والثاني «عقاب 3» واقدم بعقاب 3 دور رشيد وهو شاعر ورسام رومانسي. اوكي موفقين يا رب؟ مشكورة. ستيج قروب شنو مكانتها بمسرح الشباب؟ الحملي: ستيچ قروب تعتبــر عاصمة مســـرح الشباب لان احنا كلنــا بمســرح الشباب وبروڤاتنا بمســـرح الشباب وستيج قروب فرقة صغيرة وكل الفرق تساعدنا وما قصــرت معـانا بولا شــــــي لان هدفنـــا مو المادة.