وردتنا هذه الكلمات الصادقة باللهجة المصرية المحببة لأهل الكويت وكل العرب متضمنة رسالة صادقة تعبر عن مشاعر الكثيرين تجاه الشقيقة الكبرى مصر في هذه الأيام الصعبة:
ربنا يحميكي يا مصر
قولوا آمين
بس والنبي يا مصريين
خذوا بالكو من بلدكم..
كويتي.. لكني حزين..
أصلها مش بلدكو وحدكو
أصل انتو..
بالمدارس علمتونا..
وبالمساجد أمّيتونا..
وبالملاعب دربتونا..
وبالمستشفى عالجتونا..
ولما صدام غدر بينا..
ده انتوا بولادكم فديتونا..
عملتو كل حاجة لينا..
وادي مصر اليوم حزينة..
اصل ما ينفعش مصر تتحرق..
ده معناها ان الفرحة تتسرق..
تاريخي وتاريخك يتسرق..
والنبي يا مصري.. دمعتي بتجري
اوعى مصر تتسرق..
كويتي ودرست بجامعتك..
شربت من نيلك.. سهرت بطرقاتك..
وبحبك..
ده أنا لو عاوز أحلف.. أحلف بحياتك
زي ما أبوس تراب الكويت
برضه ترابك ابوسه
منتي محروسة
لما انتي متبقيش محروسة
امّال المحروسة مين
كويتي بيحبك.. وحزين
يدعيلك بكلام رب العالمين: (ادخلوا مصر إن شاء الله آمنين)
ربنا يحميكي يا مصر.. قولوا آمين