بالفيديو.. ولد الديرة يعتب على حكومة الكويت ويشكر الإمارات التي تكفلت بعلاجه

الله يشافيك ياولد الديره، وحسبي الله ونعم الوكيل

صدق من سماك ولد الديره الله يشافيك او ترجع ديرتك وانت في صحه او عافيه آمين

لا تعليق . مهما نقول ونشتكي محد يسمع شكاوينا .. الشكوى لله

موشي جديد هذا حكومه الكويت بس تعطي وتعالج التاجر والى عندة ظهر ولا الكويتي الموالي لبلده مومعترف فيه وتعالج بعد الغريب ، انه ابوي الله يطول بعمره طايح بالفراش ولاراضين يعالجونه تدري ليش لانه ماعنده ظهر ، للاسف ياكويت ، خذلتي عيالك للاسف ، ووقت الشدايد تدورينهم للاسف

الله يشافيك ويعافيك ويردك لأهلك سالم غانم عين عذاري تسقي البعيد وتخلي القريب لا حول ولا قوة الا بالله

الشاعر العربي يقول :: { بلادي وإن جارت علي عزيزة ،،، وأهلي وإن ضنوا علي كرام } لازم يكون بيت الشعر هذا على لسانك ، الامارات ماقصروا لكن هذا مايعني أنك تذم بلدك ، أول ماسافرت تايلند جم كان بيدك من الكويت ؟؟؟ أشلون ضيعتهم بفترة وجيزة ووين فيه ؟؟!! خلنا ساكتين .

حرام عليك ولد الديرة تنكر المعروف الدوله عالجوك لمده خمس سنوات وبعدها قالوا علاجك بالكويت ارجع بس انت ما تبقى ترجع قريبي كويتي ودوه لندن مع مرافق صار له 10 شهور وغيره وغيره حكومه الكويت ماتقصر مع شعبها ابد ندعو الله ان يشفيك واترك اسلوب الشحاته ونكران الجميل

وملياراتنا تروح برا لكل من هب ودب لاقروض طيحتوا ولا اوادم عالجتوا انتوا حكومه على شنوووووووو ؟؟

حسبي الله ونعم الوكيل

للأسف أقولها ..مافي احد يسافر للعلاج بالخارج بدون واسطة نائب ، وزير، طبيب بالصحة او من الطبقة المخملية ، ولا واحد يسافر دون واسطة للعلم وأنا مسؤولة عن كل كلمة أقولها . حتى مرضى السرطان . التدخل باللجان من قبل من ذكرتهم هو الحل للذهاب للعلاج للخارج . لجان واطباء شكليا . واللي يقول انا سافرت بدون واسطة ما يقول الحقيقة .. مع أن الكويت أغنى دولة وعددنا قليل بس ليش الترضيات السياسية والمحسوبية والواسطة .لحد متى الفساد بالصحة .. طفح الكيل