بالفيديو.. إمام مسجد: «اللي يحب ربنا ينتخب السيسي واللي مينزلش مصيبة تشيله»

استخدم إمام مسجد في قويسنا بالمنوفية في مصر مكبر الصوت و«ميكروفون» المسجد في دعوة المواطنين إلى المشاركة في الانتخابات الرئاسية الصمرية، وانتخاب المشير عبدالفتاح السيسي.وقال إمام المسجد، خلال فيديو نشره حساب «الشهيد تيوب» على «يوتيوب»: «أهالي قويسنا الكرام .. اللي هنا يروح يدي صوته عشان يلاقوا فرصة عمل لأولادهم بعد كدة، ولا تحبكو بلدكوا تتقسم ونبقى زي العراق وسوريا، مش عاوزين نربط دماغتنا تاني زي نسوان سوريا».وأظهر الفيديو مصدر الصوت القادم من مئذنة المسجد الذي يتحدث منه الإمام، فيما أوضح صاحب الفيديو أن سجله لإمام المسجد الكبير بقرية قويسنا البلد بمركز قويسنا في محافظة المنوفية.وأضاف إمام المسجد خلال الفيديو، الذي تناقله مستخدمو شبكات التواصل الاجتماعي: «الناس اللي واخدة إجازة عشان تنتخب لازم تنزل تنتخب، حرام عليكو البلد، اللي ماعندوش ولاء للبلد ماعندوش ولاء لدينه، اللي يحب النبي ويحب ربنا يروح يدي صوته».وتابع: «ما تمشوش ورا المقاطعة والإخوان الشياطين، لما يكون السيسي ناجح بجدارة أمريكا هتضرب له تعظيم سلام.. الدول الغربية كلها هتحترمه ونلاقي فرصة لعيالنا والعجلة هتدور تاني، خلينا ماشيين ورا راجل قوي، ماتصدوقش كل الكلام اللي بيتقال عن الانقلاب العسكري ده كله تخاريف، اللي ما بيشوفش من الغربال يبقى أعمى، مصر بتناديكم، اللي ما بيحبش مصر يروح يشوف مصيبة تشيله بعد كدة».