سلطان بن حثلين أولم على شرف أمير العجمان في السعودية

عبدالهادي العجمي أقام أمير قبيلة العجمان الشيخ سلطان سلمان بن حثلين حفل عشاء على شرف أمير قبيلة العجمان في المملكة العربية السعودية الشقيقة الشيخ خالد بن راكان بن ضيدان بن حثلين بمناسبة زيارته للبلاد. وقد شهد الحفل الذي أقيم في «ديوان آل حثلين» بمنطقة العقيلة حضور حشد من الشيوخ والنواب والشخصيات العامة وشيوخ ووجهاء القبائل والمواطنين. قصيدة الشاعر آل مخلص الترحيبية بالشيخ خالد بن راكان بن ضيدان بن حثلين في ضيافة الشيخ سلطان بن سلمان بن حثلين الحرف ملبوسه من العز تيجان يكتب على بيض المواقف عناوين فرايده ماس ولولو ومرجان يزهى بقيفانه شيوخ مسمين يا مرحبا وعداد همال الامزان وعداد ما فاحت ورود البساتين ترحيبة ينطق بها قلب ولسان يطرب لها الهاجس وتفرح بها العين بالشيخ أبوراكان عند أبوراكان أطول في مدح الرجال السلاطين خالد ولد راكان والجد ضيدان ذرا بني عمه على العسر واللين اللي تبيّن يوم روغات الأذهان وقف لها ضيدان وأوفى لها الدين فدّى بعمره دون ربعه كحيلان يوم النهار العابس الامحق الشين ونكرر الترحيب بلسان سلطان شيخ شموخه بين مجدٍ وجدين سلطان بن سلمان من راس راكان وراكان، تاريخه يبي له دواوين أسطورة التاريخ في كل الأزمان اللي عليه امجاد يامٍ الى الحين الشرق الأوسط يعرفونه والألمان وفي الترك خلد وقفته بالبراهين يالشيخ خالد وانت يا الشيخ سلطان ياهل الفعول الشامخه يال حثلين الله يجمعكم على عز وإيمان والله يقويكم على العسر واللين ترا تجمعكم معزة، وله شان بنفوس يامٍ في جميع الميادين يامٍ هل التاريخ في كل ميدان واهل المواقف ملحقين المخلين يا ذخرهم لامن وجه الزمن شان ومن عزكم، متكاتفين وعزيزين في ضل أبوناصر وفي ضل سلمان حكامنا حامين الأوطان والدين الله يسلطهم على كل خوّان والله يحفظهم ويبطون حيين ويا مرحبا وعداد همال الامزان بالشيخ ابن حثلين عند ابن حثلين