مجلس الخدمة المدنية يلتئم الأربعاء.. وملفات عديدة على طاولة الاجتماع منها زيادات «النفط» والقانونيين و«الصحة» و«التربية» وتجديد الاستعانة بوكلاء مساعدين

الله يبشركم بالخير .. وان شاء الله ستقر بإذن واحد احد .. وللي مو عاجبه اقوله .. ادهن ظهرك وتعال اشتغل عندنا ، نشوفك تحمل الشغل والتعب والمسؤوليه والامانه ولا لا ..؟؟!!

ارجووووووووووووووووووووا اقرار كادر الجمارك يا الشمالي ومجلس الامه وديوان الخدمه شكله مكانك راوح او نقبض من دبش.

أود ان اقول الله يرزق الجميع ولكن الاخوة اللي في النفط شكلهم ميتين من اليوع لا بونص ولتذاكر سفر ولا علاج مجاني ولا مشاركة نجاح ولاسيارات ماتبون جواز دبلوماسي بعد احمدو ربكم ذبحنونا احنا عصب الاقتصاد واحنا واحنا نازلين من جنة الفردوس لو الحكومة تنتبه حق الصناعة والتكنلوجيا يصير البترول مثل الفحم ماله قيمة والله عطوني راتبكم ماراح اطالب طول عمري كافي تعلمت بلاش ودرست بلاش واكلي بلاش وماعندنا كوادر المبرمجين وفوق هذا نحمدالله لقطاع النفطي بيضرب القطاع النفطي دولة مستقلةقال ادهن ظهرك قال

الله كريم ويجتمعون ويحلون القضايا المعلقة من فترة طويلة

ناس عمرها ما حصلت على زيادة معاش ،وناس زيادة فوق زيادة،و كادر على كادر ،واللي ماله ظهر مظلوم في هذا البلد ، ولا احد يتكلم عنا ،والنواب يمشون ورا مصالحهم ، وكأن ماكو بها البلد غير النفط والمهندسين والضباط بس والبقية على الله ،، والبقية مالهم كادر والمعيشة غالية والخدمات الصحية تعبانة ،نبي حل !

كفو يا وزير الداخلين الله بخليط لنا ذخر

التوجه الحكومي ان العطاء مقابل الاداء وميزانية الرواتب في تضخم مانبي زيادات نبي تطور وتنمية!!!! ماشفنا تطور ولا تنمية في البلد

الاخ اللى يقول ادهن ظهوركم وتعالو اشتغلو بالنفط اقولة الكويتيين كلهم يعرفون انكم ماتشتغلون ومنتو كفو زيادة دينار والزيادة ماراح تمشى ابشرك وعلى طارى الدهن انتم تحطون دهن من كبر كروشكم ومن قلة شغلكم لما حاش نص اللى بالنفط ابو زليغة انتم ماتشبعون ومايترس عينكم الا دهن اسف اقصد تراب يابو دهن

وحياتك ساعتين ما يقعد الا طالب نقل ولا مقدم استقاله ... يبه تعودوا على النوم ويروحون على الثمان ولا تسع .. مو من فير الله قاعد يسابق الزرزور على التحضيييير .. الحمدلله على كل حال وان شاء الله تتم على خير يااااااااا رب

لا ننكر أن عملكم شاق، ولكن في المقابل تحصلون على رواتب وامتيازات أثناء الخدمة وبعدها تفوق ما يحصل عليها نظراؤكم في القطاع الحكومي بما يقارب الضعفين أحيانا. وأتمنى أن لا تقول لي أن العاملين في القطاع الحكومي لا يلتزمون بساعات الدوام، لأقول لك أن غالبيتهم يتمنون الحصول على امتيازاتكم وتحمل مسؤولياتكم ولكن "مو حاصل لهم" بسبب الواسطات غالبا. مع تمنياتي لكم بالتوفيق.