أحمد مكي يصدر أغنية راب لثورة 25 يناير.. وتامر حسني يغازل شباب التحرير بأغنية «شهداء 25»

خرج الفنان احمد مكي ليعبر عن رأيه الشخصي وقناعاته بأغنية راب من كلمات ولحن وتوزيع شادي السعيد، وشاركه في الغناء محمد محسن وتقول كلمات الأغنية: كرامة المصري تسوى عنده كتير نفسه يرجع كرامته والفساد يطير شهر يناير يوم 25 أعظم تاريخ ثورة مصرية ع مر السنين شباب رفع راس لفوق مش لابس طوق عايز حقوقه الشرعية طلبها بكل ذوق خدلك لفة في ميدان التحرير هتلاقي وشك ابتسم قلبك قرب يطير شباب فهم معنى الوحدة اتحد عمل تغيير قيمة المصري النهارده بعد الثورة أكبر بكتير متخافيش يا بلادي في عز المحنة اتحامي فينا احنا ولادك رجالة نحطك فوق روسنا وعنينا جدي وجد جدي استشهدوا فيكي وبيحموكي مش ممكن أحفادهم يجو في يوم ينسوكي ويرموكي واقفين زي الأسود إيد واحدة لجل يحرروكي في منهم اللي استشهدوا وبدمهم فدوكي شكرا لكل شاب قال رأيه من غير ما يخاف راجل من ظهر راجل خلى العالم بص وشاف طول ما في فرقة وفتنة هتضيع الحقوق شوف اول ما اتحدنا إيد واحدة بقينا أسود مسيحي مسلم مثقف أمي غني وفقير ضموا كل هتافهم فوق بعضه اتحول زائير حتى لو محققناش كل المطالب بردة كسبنا كفاية ان العالم كله عرف مين احنا ما هي الرجولة والأخلاق متبنش غير وقت المحنة كل البيوت بقت بيت واحد والله فرحنا مش عايز ذل وظلم وإهانة عايز تقدير بلده عنده زي عرضه يخاف عليها يغير كرامة المصري تسوى عنده كتير نفسه يرجع كرامته والفساد يطير بيطالب بالتغيير أيوه عايز تغيير ..وتامر حسني يغازل شباب التحرير بأغنية «شهداء 25» من جهة اخرى وفي محاولة منه للتقارب مع الشباب المصري طرح المطرب تامر حسني اغنية جديدة على «فيس بوك» بعنوان «شهداء 25» يشيد فيها بالشهداء الذين سقطوا في معركتهم، منذ نزولهم لميدان التحرير يوم 25 يناير. جاءت الاغنية بعد ساعات قليلة من طرد الشباب لتامر حسني من قلب ميدان التحرير، وحملت كلماته وألحانه، وتوزيع جلال فهمي وانتاج تامر حسني. ومنع الثوار حسني من إلقاء كلمة يعتذر فيها عن إساءته إليهم، وهجومه على المعتصمين.